चितवन ।   राप्ती नगरपालिकाका उपमेयर इमानसिंह लामा निषेधाज्ञाको यो समयमा जनताको सेवामा कटिबद्ध भएर लाग्नु भएको छ । विशेषगरी यो विषम परिस्थिति लगायत निषेधाज्ञाको समयमा नियमित डायलाइसिस गर्नुपर्ने मृगौलाका बिरामी तथा नियमित किमु चढाईरहनुपर्ने क्यान्सरका बिरामीहरु लिएर अस्पताल जाने र घरसम्म पु¥याउने काममा आफै चालक भई खटिनु भएको छ ।
निम्न वर्गका बिरामीहरु एम्बुलेन्सको महँगो भाडा तिर्न नसक्ने अधिकाँश बिरामीका लागि उनी भगवान सरह भएका छन् ।
गत २०७६ चैतमा भएको पहिलो चरणको लकडाउनमा पनि उनले यसरी नै आफ्नै गाडीमा बिरामी ओसारेको उहाँ बताउनुहुन्छ । उनका अनुसार हालसम्म ६० जनाभन्दा बढी बिरामीलाई नियमित सेवा दिइसकेको भनाइ छ । कुनै बेला एकैदिन ३ जनासम्म बिरामी ओसार पसार गरेको उहाँको अनुभव छ ।
यसरी जनता र दिनदुखीहरुको सेवा गर्न पाउँदा उहाँ निकै खुशी छन् ।
’विरामी, दुःखी, गरिबको सेवा गर्न पाउँदा म आफूलाई भाग्यमानी ठान्छु’, उहाँ भन्नुहुन्छ, ’म जनताको सेवक हुँ, दुःख र समस्या हेरेर बसिरहन सक्दिन ।’
निषेधाज्ञाको बेला सार्वजनिक तथा निजी गाडी नचल्ने र एम्बुलेन्समा जान खर्च अभाव हुने बिरामी धेरै रहेको उहाँ भन्नुहुन्छ ।
‘प्रायः विपन्न बिरामीहरुसँग एम्बुलेन्समा जाने खर्च नै हुदैँन’ उहाँ भन्नुहुन्छ, ’त्यस्ता बिरामीहरुका‌ लागि म जस्तोसुकै सेवा दिन तयार छु ।’
सातामा दुई दिन डायलाइसिस गराउन भरतपुर जानुपर्ने राप्ती ३ का बिन्दा परियारले उपमेयर लामा भगवान नै भेटिएको बताउनुहुन्छ । ’गाडी चल्दैन, एम्बुलेन्समा जान पैसा हँुदैन, अस्पतालमा पनि खर्च भैहाल्छ, अहिले भगवान भेटेजस्तो भएको छ’ परियार भन्नुहुन्छ ।
उपमेयर लामाका अनुसार नियमित डायलाइसिस गराउनुपर्ने र किमु‌ चढाउनुपर्ने बिरामी राप्ती नगरपालिकामा थुप्रै छन् ‌। तीमध्ये अधिकांश विपन्न आर्थिक अवस्थाका छन् । त्यस्ता बिरामीलाई अस्पताल ल्याउने लैजाने काम गर्ने बताउनुहुन्छ, थप अन्य सहयोग गर्नसमेत तयार रहेको उहाँ भन्नुहुन्छ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

उपराष्ट्रपतिबाट बडादसैँको टीका ग्रहण