चितवन । वीपी कोईराला मेमोरियल क्यान्सर अस्पतालले स्वास्थ्य मन्त्रालयले गरेको निर्देशन अटेर गरि पिसीआर परिक्षणमा अतिरिक्त शुल्क लिएको छ । मन्त्रालयले पिसीआर परिक्षण शुल्क रु २ हजार मात्र लिन सरकारी र निजी अस्पताल एबं प्रयोगशालाहरुलाई निर्देशन गरेको छ । तर अस्पतालले रु ४७ पर्ने भिटिएमका लागि रु ५ सय लिदै आएको छ । अस्पतालका उपनिर्देशक डा. कृष्णसागर शर्माका अनुसार नमुना सङ्कलनका लागि रु ५ सय अतिरिक्त शुल्क अस्पतालले लिदै आएको छ । उहाँले भन्नुभयो “अस्पताल सञ्चालक समितिले निर्णय गरेकाले हामीलाई घटाउने अधिकार छैन ।” रिएजेण्टहरुको बोलपत्र भएकाले अबको खरिदमा मूल्य घटेमा समितिको वैठकले घटाउने निर्णय गर्ने उहाँको भनाई छ । अस्पतालले भिटिएम सहितको खर्चका लागि भन्दै स्वाब सङ्कलनमा अतिरिक्त रकम उठाएको हो । स्वास्थ्य तथा जनसंख्या मन्त्रालयका निती योजना तथा अनुगमन महाशाखाका प्रमुख डा. गुणराज लोहनीले पिसीआर परिक्षणमा रु २ हजार भन्दा वढि कसैले लिन नपाउने बताउनुभयो । कसैले अटेर गरेमा कारवाहि गरिने उहाँको भनाई छ । प्रमुख जिल्ला अधिकारी नारायण प्रसाद भट्टराईले क्यान्सर अस्पतालले मन्त्रालयले निर्देशन गरे अनुसार नै शुल्क लिएको भन्ने जानकारी आँफुलाई गराएको बताउनुभयो । उहाँले अतिरिक्त शुल्क लिएको बिषयमा आँफुले बुझ्ने जानकारी दिनुभयो । यहाँ भरतपुर अस्पतालले सञ्चालन गरेको प्रयोगशालामा निःशुल्क गरिएको छ भने चितवन मेडिकल कलेजले रु २ हजार मात्र लिएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह