काठमाडौँ । बजारमा प्याजको कालोबजारी गरी कृत्रिम अभाव गरी बिक्री गरेका प्याज सरकारले जफत गरेको थियो । उक्त प्याज सरकारले सर्बसाधारणलाई बिक्री गर्ने भएको छ । सरकारले सर्बसाधरणको लागि ६० रुपैयाँ भन्दा बढी मूल्य नलिइ बिक्री गर्न आदेश दिइएको जिल्ला प्रशासन कार्यलय काठमाडौँका प्रमुख जिल्ला अधिकारी जनकराज दाहालले जानकारी दिए । सिल गरिएको प्याज खाद्य व्यवस्था तथा व्यापार कम्पनीलाई प्रतिकिलो ५२ रुपैयाँमा बिक्री गर्ने निर्णय भएको उनले बताए । वाणिज्य विभाग, काठमाडौँ महानगरपालिका, प्रहरी र उपभोक्ता अधिकारकमीैसहितको टोलीले भदौ ३१ गते गरेको अनुगमनमा २९१ बोरा प्याज जफत गरेको थियो । ५०।५५ रुपैयाँमा खरिद गरिएको प्याजको मूल्य ११०।१२० रुपैयाँ कायम गरिएपछि खपरिद बिल र मूल्यसूचि नराखेको कसुरमा अनुगमन टोलीले चुली सगरमाथा इन्टरप्राइजेज र एसके सप्लायर्सबाट उक्त प्याज जफत गरेको थियो ।

चितवनमा उद्योग दर्ता र नवीकरण अब अनलाइनबाटै

पेट्रोलियम पदार्थको मूल्य यथावत, निगमलाई पाक्षिक १ अर्ब ९१ करोड घाटा

कृष्णभीरमा बाटो अवरुद्ध हुँदा पर्यटक बस थन्किए, हवाई यात्रुको चाप बढ्यो