☰

भर्खरै

लोकप्रिय समाचार

माडी गौशाला, गुरुकुल र वैदिक कृषिको लागि उपयुक्त स्थान

  •   सोमबार, पुष ०२, २०८० मा प्रकाशित
    • अ
    • अ
    • अ

    चितवन । विश्व हिन्दु महासंघ नेपालको अध्यक्ष डा. रामचन्द्र अधिकारीले गौशाला, गुरुकुल र वैद्घिक कृषिको लागि चितवनको माडी उपयुक्त स्थान रहेको बताउनुभएको छ । जय सनातन अभियान नेपालले देवघाटको जल माडीको सोमेश्वरगढी स्थित कालिका सोमेश्वर मन्दिरमा लगेर अर्पण गर्ने कार्यक्रममा सहभागी हुन चितवन आउनुभएका अधिकारीले जल अर्पण पश्चात आयोजित कार्यक्रममा बोल्दैे आफ्नो एजेण्डामा रहेको ३ वटा कुरा गौशाला, गुरुकुल र वैदिक कृषिको रुपमा माडीलाई अघि बढाउँदा संसारले चिन्ने बताउनुभयो ।

    उहाँले भन्नुभयो, “गौशाला, गुरुकुल र वैदिक कृषिको लागि सबै कुराले माडी उपयुक्त छ । यसरी माडीको विकास गर्दा संसारभरका मानिस माडीको गौशाला हेर्न जान पर्छ भन्छन् ।” उहाँले अहिलेको नयाँ पुस्तामा प्रजनन् क्षमता घट्दै गइरहेको र समाज रोगी बन्दै गएको भन्दै चिन्ता व्यक्त गर्नुभयो । “बिषादी र रसायन युक्त खानपानले अहिलेको युवाहरुमा प्रजनन् क्षमता घट्दै गएको छ । रोगव्याध लागेको छ । त्यसको लागि वैद्घिक कृषि गर्न आवश्यक छ ।” उहाँको भनाई थियो ।

    जय सनातन अभियान नेपालले शनिबार भरतपुर महानगरपालिका वडा नम्बर १ देवघाटबाट चितवनको माडी नगरपालिका वडा नम्बर ४ सोमेश्वरगढी स्थित कालिका सोमेश्वर मन्दिरमा लगेर जल अर्पण गरेको हो । अभियानका अध्यक्ष घनश्याम पौडेल (श्याम)ले संयोजन गर्नुभएको कार्यक्रममा मोटरसाईकल ¥यालि सहित २१ वटा घडामा जल लगेर सोमेश्वर मन्दिरसँगै माडीमा रहेका अन्य धार्मिक स्थाल समेत जल अर्पण गरिएको थियो ।

    भरतपुरबाट गएको ¥यालिलाई माडी नगरपालिका नगर प्रमुख तारा कुमारी काजी महतोे र उप प्रमुख खेम प्रसाद महतोले स्वागत गर्नुभएको थियो । प्रमुख महतोले ऐतिहासिक स्थल माडीमा यस प्रकारका कार्यक्रमले यहाँ रहेका धार्मिक तथा ऐतिहासिक स्थलहरुको प्रचार प्रसारका सहयोग पुग्ने बताउनुभयो । उहाँले माडीमा धेरै संख्यामा ऐतिहासिक धार्मिक स्थलहरु रहेको हुँदा यसको प्रवद्घन पालिकाले गर्दै लैजाने र यसको लागि सबैको साथ र सहयोग आवश्यक पर्ने उहाँको भनाई थियो ।

    त्यसैगरी उप–प्रमुख महतोले माडी उपत्यका काठमाण्डौपछि धेरै धार्मिक स्थल भएको क्षेत्र रहेको बताउनुभयो । उहाँको कृषि पर्यटनसँगै धार्मिक पर्यटनले माडीको थप विकास गर्न सकिने भनाई थियो । करिब ५० किलोमिटर यात्रामा सयौंको संख्यामा श्रद्धालु भक्तजनहरु देवघाट हुँदै सोमेश्वरगढी पुगेका थिए । यात्रामा डा. अधिकारी सहित विभिन्न धार्मिक व्यक्तित्वहरुको सहभागिता रहेको थियो ।

    लोकप्रिय

    भर्खरै