भरतपुर । चितवनमा भएका छुटाछुट्टै दुर्घटनामा दुईको मृत्यु भएको छ । जिल्ला प्रहरी कार्यालय चितवनका अनुसार चितवनको खैरहनी र भरतपुरमा भएका दुर्घटनामा दुई जनाको मृत्यु भएको हो । पूर्वपश्चिम राजमार्ग अन्तर्गत खैरहनी नगरपालिका २ चैनपुरमा टाँडीबाट पर्सातर्फ जाँदै गरेको प्रदेश ०३–०२–००६ प ९०६८ नम्बरको स्कूटरलाई बा ०३–००१ च १७२७ नम्वरको बोलेरो गाडीले ठक्करदिँदा राप्ती नगरपालिका ८ ब्रम्हनगरका ३० वर्षीय करण श्रेष्ठको मृत्यु भएको हो ।

बिहिबार साँझ ९ बजे भएको दुर्घटनाका घाइते श्रेष्ठको उपचारका क्रममा पुरानो मेडिकल कलेज भरतपुरमा ९ः४० बजे मृत्यु भएको जिल्ला प्रहरी कार्यालय चितवनका प्रवक्ता श्रीराम भण्डारीले जानकारी दिनुभयो । प्रहरीले बोलेरो चालकलाई नियन्त्रणमा लिएको छ । यस्तै भरतपुर महानगरपालिका ७ क्यान्सर अस्पताल गेट नजिकै कारको ठक्करबाट मोटरसाइकल चालकको मृत्यु भएको छ ।

आइतबार राती ८ः३० बजे टाइगरचोकबाट बुद्धचोक जाँदै गरेको बा २८७५ नम्वरको कारले बा।०३–००३ प १७७६ नम्वरको मोटरसाइकललाई दिँदा मोटरसाइकल चालक माडी नगरपालिका ६ रामराज्यपुर बस्ने ३४ बर्षका कुल प्रसाद सापकोटाको मृत्यु भएको हो । दुर्घटनामा घाइते सापकोटाको चितवन मेडिकल कलेजमा उपचारका क्रममा मृत्यु भएको भण्डारीले बताउनुभयो ।

कार र कारका चालकलाई प्रहरीले नियन्त्रणमा लिएको छ । मृतक दुवै पुरुषको शव परीक्षणका लागि भरतपुर अस्पतालको शवगृहमा राखिएको छ ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो