चितवन । चितवन जिल्ला क्रिकेट संघलाई सेन्ट्रल कलेजले विभिन्न सामाग्री सहयोग गरेको छ । मंगलबार कलेजका प्रिन्सिपल यज्ञ विलाश (वाइबी) पौडेलले संघका अध्यक्ष सुदिप पियालाई कार्यालय प्रायोजनका लागि विभिन्न सामाग्री हस्तान्तरण गर्नुभएको हो । कलेजले संघको कार्यालय सञ्चालनका लागि आवश्यक पर्ने कम्प्युटर, फोटोकपी प्रिन्टर लगायतका सामाग्री प्रदान गरेको पियाले जानकारी दिनुभयो ।

क्रिकेट खेलको विकासका लागि महत्वपूर्ण योगदान पु¥याएको भन्दै संघका अध्यक्ष पियाले सेन्ट्रल कलेजको प्रशंसा गर्नुभयो । उहाँले पछिल्लो समय क्रिकेट संघलाई व्यवस्थित र खेलाडीमैत्री बनाउँदै लगिएको भन्दै कलेजको निरन्तर साथ र सहयोग आवश्यक रहेको समेत बताउनुभयो । कलेजका प्रिन्सिपल पौडेलले सेन्ट्रल कलेजले खेलकुद क्षेत्रलाई बिशेष प्राथमिकतामा राखेर सहयोग गरिरहेको बताउनुभयो । उहाँले चितवन,नवलपुर र तनहुँमा हुने अधिकांश खेलकुद प्रतियोगितामा सेन्ट्रल कलेजले सहकार्य गर्दै आएको बताउनुभयो ।

कलेजले उच्च शिक्षा अध्ययन गर्न अष्ट्रेलिया,जापान,क्यानडा,यूके,युएसए लगायतका देशमा जान चाहने विद्यार्थीका लागि शैक्षिक परामर्श र भिजा प्रोसेशिङको काम गर्दै आइरहेको छ । चितवन नवलपुरमा आफ्नै बस सेवा सञ्चालन गरिरहेको कलेजले लायन्सचोक स्थित आफ्नै भवनबाट सेवा दिने अन्तिम तयारी गरिरहेको वाईवीले जानकारी दिनुभयो ।

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो