चितवन । राष्ट्रिय वाणिज्य बैंक लिमिटेडको ५९ औं वार्षिकोत्सवको अवसरमा शनिवार चितवनको भरतपुरमा प्रभातफेरी कार्यक्रम गरिएको छ । भरतपुरको चौबिसकोठी स्थित भरतपुर शाखाबाट सुरु गरिएको कार्यक्रम नारायणगढको पूल्चोकमा पुगेर सम्पन्न भएको थियो ।

प्रभातफेरी कार्यक्रममा जिल्ला स्थित सम्पूर्ण शाखाका कर्मचारीहरुको सहभागिता रहेको भरतपुर शाखा प्रवन्धक सबिनराज अधिकारीले जानकारी दिनुभयो । उहाँले ग्राहकमैत्री सेवा र ब्यवहारलाई प्राथमिकतामा राख्दै भरतपुर शाखा नयाँ भवनबाट सञ्चालनमा आएको जानकारी पनि दिनुभयो ।

पुरानो भवन जिर्ण बन्नुका साथै पार्कीङ लागायतको समस्या हुुँदा नजिकै नयाँ स्थानबाट सेवा सुरु गरिएको उहाँको भनाई थियो । कार्यक्रममा सेवाग्रहीहरुलाई बैंक तथा आर्थिक कारोवारको विषयमा सजग गराउने प्लेट कार्डहरू प्रदर्शन गरिएको थियो ।

“देखा सिकिमा खर्च गर्न हौसिने बानीलाई निरुत्साहित गरौं, नोटमा केही नलेखौं नोट सफा राखौं, कमाई नहेरी खच बढी गर्नेले दुःख पाउँद फजुल खर्च गर्नेले, अबको बैंकिङ मोवाइल बैंकिङ” जस्ता नाराहरु समेटिएको प्ले कार्ड सहित कर्मचारीहरुको प्रभातफेरीमा सहभागितत रहेको थियो ।

वि.सं. २०२२ माघ १० गते स्थापना भएको राष्ट्रिय वाणिज्य बैंक लिमिटेडले ६ दशक लामो सेवा अवधि पुरा गरेको छ । ं

निर्माण व्यवसायी संघ चितवनको सदस्य पदमा युवा व्यवसायी रोबन दवाडी (रोयल) को उम्मेदवारी

निजी विद्यालयको ३० प्रतिशत शुल्क वृद्धि फिर्ता गराउन दलहरूद्वारा दबाब दिने

चितवनमा रहेको धान ‘जोन’मा उत्पादन बढ्यो