बाग्लुङ्ग्को ढोरपाटनका पहिरो पिडीतलाई ढोरपाटन चितवन मैत्री समाजले राहत रकम सहयोग गरेको छ । गत भदौ १७ गते बाग्लुङ्ग्को ढोरपाटन नगरपालिकामा भिषण पहिरो गएको थियो । जुन पहिरोबाट पिडित भएकाहरुलाई राहतस्वरुप १ लाख ५५ हजार ५ सय ५५ रुपैया सहयोग गरीएको हो । समाजले ढोरपाटन नगरपालिकाको दैबि प्रकोप राहतकोषमा आज एक कार्यक्रमबिच सो रकम सहयोग गरेको बताएको छ । समाजका अध्यक्ष लालप्रसाद कँडेलसहित समाजका बिशिष्ट ब्यत्तित्वहरु सम्मेलित जुम कार्यक्रममार्फत राहत रकम सहयोग गर्ने निर्णय गरीएको थियो । सोही निर्णय अनुसार ग्लोबल आईएमई बैंकमा रहेकोे नगरपालिकाको राहतकोषमा सो रकम जम्मा गरीएको छ । भने आज (शनिबार) एक कार्यक्रमको आयोजना गरी समाजका महिला सदस्य खिमकुमारी कँडेलद्धारा ढोरपाटन नगरपालिकाका नगरप्रमुख देवकुमार नेपालीलाई रकमको भौचर हस्तान्तरण गरीएको हो । त्यस लगत्तै समाजका अध्यक्ष कँडेलले आगामी दिनमा पनि आबश्यक सहयोग उपलब्ध गराउने प्रतिबद्धता समेत जाहेर गर्नुभएको छ ।गत भदौको १७ गते राति गएको भिषण पहिरोबाट ढोरपाटन नगरपालिकाको वडा नं. ६, ७, ८, ९ का १ सय २६ घर घुरी क्षतिग्रत हुदा २२ जनाले ज्यान गुमाएका थिए, भने १६ जना अझै पनि बेपत्ता नै रहेका छन् । पहिरोले १३ वटा झोलुङ्गे पुल, १२ वटा लघु जलबिद्युत, २ बिद्यालय, ढोरपाटन क्षेत्रकोे सडकखण्ड लगाएतका संरचना बगाउँदा करोडौको क्षति भएको थियो । पहिरोले गर्दा सिंगो बस्ती अहिले बगरमा परिणत भएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार