चितवन । चाडपर्वलाई लक्षित गरी चितवनमा ४ ठाउँमा यात्रु सहायता कक्ष स्थापना गरिएको छ । केन्द्रीय बस ट्रमिनल भरतपुर, पुलचोक, पोखरा बसपार्क र मुग्लिनमा सहायता कक्ष बनाइएको हो । एक एक जना जनपथ प्रहरी, ट्राफिक प्रहरी र यातायात व्यवसायी सहायता कक्षमा बसेर गुनासो संकलन गरी आवश्यक कारवाही तत्कालै गर्नेछन् ।
जिल्ला प्रहरी कार्यालयले तयार पारेको चाडपर्व लक्षित सुरक्षा योजना अन्र्तगत यात्रु सहायता कक्ष स्थापना गरिएको हो । यात्रुको चहलपहल बढी हुने ठाउँमा हुनसक्ने ठगी, लुटपाट जस्ता घटना न्यूनिकरण गर्न तत्कालै ‘रेस्पोन्स’ गर्न सहायता कक्षले सघाउने अपेक्षा लिइएको छ । जिल्ला ट्राफिक प्रहरी कार्यालय चितवनका प्रमुख प्रहरी निरीक्षक दयाकृष्ण भट्टले यात्रुलाई आइपर्ने समस्यालाई तत्कालै सम्बोधन गर्न सहायता कक्ष बनाइएको बताउनुभयो ।
बढी भाडा असुल्ने, कुटपिट, लुटपाट, चोरी, दुव्र्यहार जस्ता घटना रोकथामका लागि प्रहरी उपस्थिति बढाउन सहायता कक्ष स्थापना गरिएको बताउनुभयो । यात्रु सहायता कक्ष उद्घाटन कार्यक्रममा प्रमुख जिल्ला अधिकारी नारायणप्रसाद भट्टराई, जिल्ला प्रहरी कार्यालय चितवनका प्रवक्ता प्रहरी नायव उपरीक्षक सूर्यबहादुर थापा, नेपाल राष्ट्रिय यातायात व्यवसायी महासंघका केन्द्रीय उपाध्यक्ष रामप्रसाद सुवेदी, नारायणी यातायात प्रालिका क्षेत्रीय कार्यालयका प्रमुख शंकर गिरी लगायको सहभागिता थियो । यातायात व्यवसायी महासंघका केन्द्रीय उपाध्यक्ष सुवेदीले चाडबाडका बेला हुने अपराध रोकथाम गर्न सहायता कक्ष उपयोगी हुने बताउनुभयो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.