चितवन । भरतपुर महानगरपालिकाले तोकेको सूचकमा वडा नम्बर २ उत्कृष्ठ भएको छ । यस संगै धेरै बजेट पाउने वडामा यो वडा परेको छ । महानगरपालिकाले बिभिन्न कार्यलाई मूल्याङ्कन गरि सुत्रका आधारमा वडा वर्गिकरण गरेको हो । महानगरपालिकाका आर्थिक प्रशासन महाशाखा प्रमुख जगन्नाथ अर्यालका अनुसार सुत्रका आधारमा गरिएको मूल्याङ्कनमा वडा नम्बर २ अगाडी परेको हो ।

यस संगै यो वडाले आउँदो वर्षका लागि रु २ करोड ९० लाख बजेट पाउने भएको छ । कम वजेट पाउने वडाले रु २ करोड ७४ लाख बजेट पाउने छन् । वडाहरुको मूल्याङ्कनको आधारमा बजेट बिनियोजन गरिदैं छ । चालु आर्थिक वर्षमा सबै वडाले रु २ करोड ६५ लाख पाएका थिए । वडा अध्यक्ष मनोज रानाभाटले महानगरपालिकाले तोकेका सूचकमा राम्रो अंक पाएर आफ्नो वडा उत्कृष्ठ भएको बताउनुभयो । उहाँका अनुसार गत आर्थिक वर्षको भन्दा दोब्बर कर संकलन भएको छ । गत वर्ष रु १ करोड ५ लाख राजस्व संकलन भएकोमा अहिले रु २ करोड नाघेको छ ।

बिद्यालयको एक सय मिटर भित्र सूर्ती जन्य पदार्थ पूर्ण निषेध गरिएको छ । सबै घरधुरीको तथ्याङ् अनलाईनमा अध्याबधिक गरिएको छ । वडा भित्र पूर्ण रुपमा स्मार्ट लाईट जडान गरिएको छ । नमस्ते चोक देखि मेयर चोक सम्म रात्रिकालिन वजारको तयारी गरिएको छ । गमला राखेर वडालाई हरीयालि वनाईएको छ । लागुऔषधि नियन्त्रणका लागि टोलटोलमा समिति वनाएर रात्रिकालिन समेत गस्ति गरिएको छ ।

बातावरण मैत्री तथा पूर्ण सरसफाईको वडा घोषणा गर्ने तयारी गरिएको छ । रानाभाटले वडा बासिसंग सहकार्य गरेर काम गरेकै कारण उत्कृष्ठ हुन सफल भएको बताउनुभयो । आँफुले वडालाई जिल्लाकै नमुना वडाको रुपमा बिकास गर्ने गरी काम गरिरहेको उहाँले बताउनुभयो ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता