चितवन । चितवन राष्ट्रिय निकुञ्जले आर्थिक बर्ष २०८० , ०८१मा करीब ३७ करोड आम्दानी गरेको छ । २०८०को साउनदेखि २०८१को असार मसान्त सम्म सबै शिर्षक गरी ३६ करोड ७२ लाख ९२ हजार ७७ हजार रुपैंया संकलन गरेको हो । निकुञ्जले काठ र दाउरा बिक्री,गैरकाष्ठ वन पैदावर बिक्रप्, पर्यापर्यटन ,दण्ड सजायबाट र अन्य शिर्षकमा गरी राजश्व संकलन गर्दै आएको छ ।

सबैभन्दा बढी राजश्व संकलन चैत्रमा निकुञ्जले एक बर्षको अवधिमा सबैभन्दा बढी चैत्र महिनामा संकलन गरेको छ भने कम असार महिनामा संकलन गरेको छ । जसअनुसार चैत्र महिनामा ५ करोड २८ लाख ८० हजार १४९ रुपैंया र असार महिनामा ९४ लाख ९१ हजार ६८७ रुपैंया संकलन गरेको हो । यस्तै कार्यालयका अनुसार आब ८०, ०८१ को साउन महिनामा १ करोड ५ लाख ३२ हजार ४३ रुपैंया , भदौमा १ करोड ७२ लाख २५ हजार ९४४ रुपैंया, असोजमा २ करोड ५१ लाख ८०हजार ७६ रुपैंया, कात्तिकमा ४ करोड ५९ लाख ९२ हजार २३७ मंसिरमा ४ करोड ५७ लाख ६१ हजार ५२४रुपैयांँ र पुष महिनामा २ करोड ८० लाख १३ हजार ९४६ रुपैया संकलन गरेको छ ।

यस्तै माघ महिनामा २ करोड १९ लाख ५६ हजार ७१४ , फागुन महिनामा ३ करोड ५१ लाख ४९हजार ८८५, बैशाख महिनामा ४ करोड १८ लाख ७० हजार ४०३ र जेष्ठ महिनामा ३ करोड ३२ लाख ३८ हजार १९९ रुपैंया संकलन गरेको छ । निकुञ्जका सूचना अधिकारी गणेश प्रसाद तिवारीले अघिल्लो बर्षको तुलनामा गतबर्ष राजश्व संकलन बढ्दै गएको बताउनु भयो । ‘गतबर्ष २९, ३० करोडको हाराहारीमा उठेको थियो, अहिले पर्यटकको आगमनसंँगै आम्दानी पनि बढेको छ ।’ तिवारीले भन्नुभयो ।

बिशेषगरी पर्यटकहरु साइट सिन गर्न बढी चैत्र महिनामा आउने भएकोले औसत रुपमा चैत्र महिनामा राजश्व संकलन बृद्धि भएको बताउनु भयो । ‘चैत्र महिनामा साइट क्लियर हुन्छ । पर्यटकको अनुकुल समय पनि हो , तिवारीले भन्नुभयो , बर्षायाम शुरु भएसंँगै स्वभाविक रुपमा पर्यटक घट्छन।’ आम्दानी पनि घट्छ । ’ सबै भन्दा बढी पर्यापर्यटन शिर्षकबाट राजश्व संकलन हुने भएकोले पर्यटकीय सिजनसंँगै राजश्व संकलन घटबढ हुने उहांँको भनाई थियो ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान