हेटौँडा। हेटाैंडा-१६ काे ठूलाे आकाशधारा र खाती टाेलमा शनिबार भएकाे छुट्टाछुट्टै कार्यक्रममा एकसय ४५ जना नेपाली कांग्रेसमा प्रवेश गरेका छन् । तत्कालीन नेकपा एमालेका नेता राधाकृष्ण खातीसहित नेकपा र राप्रपा परित्याग गरी उनीहरु कांग्रेसमा प्रवेश गरेका हुन् । नेपाली कांग्रेसका बागमती प्रदेश संसदीय दलका नेता एवम् मकवानपुर सभापति इन्द्रबहादुर बानियाँलगायतले नव प्रवेशीलाई टीका र खादा लगाएर पार्टीकाे सदस्यता प्रदान गरेका थिए ।हेटाैंडा-१६ मा निर्वाचित वडाध्यक्ष एवम् कांग्रेसका वडा सभापति  रामकृष्ण काेइरालाकाे अध्यक्षतामा पार्टी प्रवेश तथा दीपावली, नेपाल संवत् तथा छठ पर्वकाे अवसरमा शुभकामना आदानप्रदान कार्यक्रम भएकाे हाे । कार्यक्रममा बाेल्दै पूर्व गृहराज्यमन्त्री, कांग्रेस बागमती प्रदेश संसदीय दलका नेता एवम् मकवानपुर सभापति इन्द्रबहादुर बानियाँले कम्युनिष्टले मुलुकलाई खाेक्राे बनाएकाे अाराेप लगाए । कम्युनिष्टलाई विश्वास गरेर जनताले सत्तामा पुर्याए पनि उनीहरुले जनताकाे भावनाअनुसार काम गर्ननसकेकाे बताए । ‘कम्युनिष्टहरुले जनतालाई गुलियाे कुरा गरेर यतिन्जेलसम्म भुलाए, अब जनता सचेत भइसकेका छन् । पछिल्लाे समय कांग्रेसमा फर्केनेकाे लहर नै चलेकाे छ ।जनताकाे विश्वासलाई हामी कुठाराघात गर्दैनाैं ।’ बानियाँले भने ।कांग्रेसबाट वडाध्यक्षमा निर्वाचन जिते पछि अाकाशधारा पानीसरा क्षेत्रमा पानी, बाटाे र बत्ति पुगेकाे स्मरण गर्दै कांग्रेस सधैं जनताकाे दुःखसुखकाे साथी रहेकाे उनकाे भनाइ थियाे । हटिया हुँदै आकाशधारा हुँदै डम्बरपुरबाट निजगढसम्म पुग्ने बाटाे स्तरीकरण गर्न प्रदेशबाट आफूले बजेट हालिदिने पनि उनले प्रतिवद्धता जनाए । वडाका बासिन्दाकाे आय आर्जन बढाउन विभिन्न कार्यक्रम सञ्चालन गर्न पार्टीले सहयाेग गर्ने पनि बानियाँले बताए । नवप्रवेशीलाई सम्बाेधन गर्ने क्रममा बानियाँले उनीहरुकाे क्षमता र क्रियाशीलताकाे अाधारमा पार्टीमा भूमिका दिने पनि प्रतिवद्धता जनाए ।दुवै कार्यक्रममा पार्टीका महासमिति सदस्य दिनेश उपाध्याय जिल्ला सदस्य कृष्णप्रसाद दाहाल र नामदेव शिलवाल, हेटाैंडा उपमहानगर सभापति अानन्दराम पराजुली, हेटाैंडा-६ का निर्वाचित वडाध्यक्ष अर्जुनप्रसाद चाैलागाईं, कृष्णप्रसाद दाहाल, स्थानीय नेता साेमबहादुर माेक्तान, सुरेश तामाङलगायतले मन्तव्य व्यक्त गरेका थिए । कार्यक्रममा राष्ट्रिय लाेक गायक गायिका प्रतिमा अर्याल र दिपेन्द्र पुन मगरले सांगितिक प्रस्तुतिमार्फत मनाेरञ्जन दिलाएका थिए ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय