चितवन । खैरहनी नगरपालिकाले छुट्टाछुट्टै बैंकबाट सामाजिक सुरक्षा भत्ता बितरण सुरु गरेको छ । नगरका सबै वडाको फरक फरक बैंकबाट भत्ता दिन थालिएको नगरपालिकाका मेयर लालमणी चौधरीले जानकारी दिए । चालू आर्थिक बर्षको पहिलो चौमासिकबाटै लाभग्राहिले यो सुबिधा पाएका छन् । वडा नम्बर ६ र ७ को एउटै बैंकबाट भत्ता दिए पनि अरु वार्डको भने छुट्टाछुट्टै बैंकबाट भत्ता प्राप्त गर्ने मेयर चौधरीले बताए । सिमित बैंकबाट भत्ता बितरण गर्दा लाभग्रागिलाइ समस्या परेको थियो मेयर चौधरीले भने – उहाँहरुलाइ सरल र सहज सेवा प्रवाहका लागि प्रत्येक वडाको भत्ता फरक फरक बैंकबाट प्रदान गरिएको छ । सिमित बैंकबाट मात्र भत्ता बितरण गर्दा सेवाग्रहिबाट गुनासो आउने गरेक थियो । सम्बन्धित वडामा शाखारहित बैंकिङ सेवा भए सोही ठाउँबाट भत्ता बितरण हुनेछ । नगरपालिकाका प्रमुख प्रशाशकिय अधिकृत पुरुषोत्तम शर्माका अनुसार वडा नम्बर १ मा तिनाउ मिसन बिकास बैंक ,वडा नम्बर २ मा ग्लोबल आइएमइ बैंक ,वडा नम्बर ३ मा लक्ष्मी बैंक ,वडा नम्बर ४ मा प्रभु बैंक ,वडा नम्बर ५ मा बैंक अफ काठमाडौबाट भत्ता बितरण सुरु भएको छ । त्यस्तै वडा नम्बर ६ र ७ को पुरानो पर्सा स्थित कुमारी बैंक ,वडा नम्बर ८ को नयाँ पर्सा स्थित कुमारी बैंक ,वडा नम्बर ९ को नेपाल इन्भेस्टमेन्ट बैंक लिमिटेड ,वडा नम्बर १० को ज्योति बिकास बैंक ,वडा नम्बर ११ को कृषि बिकास बैंक ,वडा नम्बर १२ को एनआइसि एसिया बैंक , वडा नम्बर १३ को माछापुच्छ्रे बैंकबाट सामाजिक सुरक्षा भत्ता बितरण हुने छ । खैरहनिमा चालु आर्थिक बर्षको पहिलो चौमासिकमा ४ हजार ४३० जना लाभग्राहिले सामाजिक सुरक्षा भत्ता प्राप्त गर्नेछन् । नवीकरणका लागि भने यहि कार्तिक मसान्त सम्म समय तोकिएको र यो अबधिमा नवीकरण गरेकाहरुको मंसिर पहिलो साता बैंकमा भत्ता जम्मा हुने नगरपालिकाका प्रमुख प्रशाशकिय अधिकृत शर्माले बताए । पहिलो चौमासिकमा ५ करोड ७६ लाख रुपैयाँ बैंकमा जम्मा भएको छ । खैरहनिमा बार्सिक १६ करोड भन्दा बढी सामाजिक सुरक्षा भत्तामा खर्च हुँदै आएको छ । नेपाल सरकारले ७० बर्ष माथिका जेष्ठ नागरिक ,दलित जेष्ठ नागरिक ,६० बर्ष माथिको एकल,६० बर्ष मुनिको एकल,पुर्ण अपांग ,अशक्त असहाय र दलित बालबालिकालाइ सामाजिक सुरक्षा भत्ता दिदै आएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.