चितवन । नेकपा ९एमाले० वडा कमिटी राप्ती नगरपालिका ६ चितवनले विद्यालयमा न्यानो कपडा तथा शैक्षिक सामग्री वितरण गरेको छ । राष्ट्रिय आधारभुत विद्यालय राप्ती–६ पडरियामा अध्ययनरत विद्यार्थीहरुलाई कपडासँगै शैक्षिक सामग्री वितरण गरिएको हो । विद्यालयका ११० जना विद्यार्थीहरुलाई अविभावकहरुको उपस्थितिमा न्यानो कपडा स्विटर तथा शैक्षिक सामाग्री वितरण गरिएको एमाले चितवनका जिल्ला कमिटी सदस्य एवम् वडा इन्चार्ज उत्तम सेढाईले जानकारी दिए ।

न्यानो कपडा एवम् शैक्षिक सामाग्री वितरणका लागि प्रवासी मञ्च पोल्याण्डका सहयोगी रुपक थापा, वडा कमिटी सदस्य धनराज चौधरी लगायतको सहयोग रहेको सेढाईले जानकारी दिए । कार्यक्रममा प्रमुख अतिथि नेकपा एमाले केन्द्रीय सदस्य एवम् बागमती प्रदेश सभा संसदीय दलका नेता जगन्नाथ थपलियाले सामाजिक कार्यमा नेकपा एमाले निरन्तर जोडिने गरेको बताए । सामाजिक काम र सहयोगमा यसै गरी पार्टी कमिटीहरु लाग्नुपर्ने उनको जोड थियो ।

राप्ती ६ मा बागमती प्रदेश सरकारबाट प्रसस्तै बजेट विनियोजन नेकपा एमालेको पहलमा भएको स्मरण गराउँदै थपलियाले यस क्षेत्रको विकासमा एमालेको ठूलो योगदान रहेको बताए । कार्यक्रममा एमाले बागमती प्रदेश कमिटी उपाध्यक्ष दावा दोर्जे लामा, बामगती प्रदेश कमिटी सदस्यहरु गोविन्द प्रसाद कँडेल, श्यामलाल विक, प्रदेश विभागीय सदस्य जल्लु महत्तो थारु, राप्ती नगर कमिटी अध्यक्ष राजकुमार कँडेल, जिल्ला समन्वय समिति सदस्य गुनु विक लगायतका नेता कार्यकर्ताको उपस्थिति रहेको थियो ।

एमाले राप्ती ६ का अध्यक्ष शिवनारायण चौधरीको अध्यक्षतामा भएको सहयोग कार्यक्रमलाई अनेरास्ववियु बागमती प्रदेश कमिटीका सदस्य सुजन थापा काजीले सञ्चालन गरेका थिए ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार