नवलपुर । कावासोती बजार क्षेत्रमा निर्माण गरिएको १० कोठे ब्यापारिक भवन निर्माण कार्य पुरा भएको छ । नवलपुरको बिभिन्न स्थानहरुमा उत्पादित तरकारी तथा फलफूलहरु बिचौलिया रहित तरिकाले बिक्रि बितरणका लागि बैशाखमा निर्माण कार्य सुरु गरिएको उक्त भवनको निर्माण कार्य सकिएको कृषि उपज थोक बजार ब्यवस्थापन समितिका ब्यवस्थापक सुनिता चापागाईले जानकारी दिनुभयो ।

कृषकले उत्पादन गरेका फलफुल तथा तरकारीको मुल्य बिचौलियाले लिने र कृषकले आफूले उत्पादन गरेका तरकारी फलफूल को कम मूल्य पाउने हुदा अब उत्पादित क्षेत्रबाट सिधै उपभोक्तालाई बिक्रि गर्ने उद्धेश्य सहित भवन निर्माण गरिएको चापागाईको भनाई छ । कृषि थोक बजार ब्यवस्थापन समितिको ३०लाख र फलफूल तथा तरकारी मूल्य श्रृङखला बिकास आयोजना को ४० लाख गरी जम्मा ६० लाखमा उक्त भवन निर्माण गरिएको ब्यवस्थापक चापागाईले जानकारी दिनुभयो ।

१० कोठे भवनमध्ये कृषकसमुह,कृषिसहकारी,र कृषक र ब्यापारीलाई उक्त भवनका कोठाहरु बितरण गरिसकिएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार