चितवन । ११५ औं अन्तराष्ट्रीय नारी दिवशको अवसरमा भरतपुरमा महिलाको स्तन तथा पाठेघरको मुखको क्यान्सरको स्क्रिनिङ गरिएको छ । आधुनिक उपकरणसहित भरतपुर महानगरपालिका वडा नम्बर २२ स्थित पटिहानी स्वास्थ्य चौकीमा एक सय ५० जना ग्रामिण भेगका महिलाको महिलाको स्तन तथा पाठेघरको मुखको क्यान्सरको स्क्रिनिङ गरिएको हो ।

नारायणगढ लेडी जेसीज तथा भरतपुर महानगरपालिका वडा नम्बर २२ ले संयुक्त आयोजना कार्यक्रममा १ सय ३ जनाले भिडियो एक्सरे सेवा लिएका थिए । नारायणगढ लेडी जेसीजका अध्यक्ष एलिना श्रेष्ठले ग्रामिण भेगका महिलालाई लक्षित गरेर शिविर आयोजना गरिएको बताउनुभयो । स्क्रिनिङ भन्नाले क्यान्सर हुनुभन्दा पूर्वावस्था थाहा पाउनका लागि गरिने जाँच हो ।

यसले लक्षण नदेखिँदैको सुरुआती चरणको अवस्थामा नै रोगको पत्ता लगाई शीघ्र उपचारमा सहयोग पुग्दछ । नेपाल तथा विकासशील मुलुकहरुमा पाठेघरको मुखको क्यान्सरपछि महिलाहरूमा सबैभन्दा धेरै देखिने क्यान्सर स्तन क्यान्सर हो । समयमै स्क्रिनिङ गर्न नपाउँदा पाठेघरको मुखको क्यान्सरबाट बर्सेनि सयौँको संख्यामा नेपालमा महिलाहरूले अकालमै ज्यान गुमाउनु परेको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह