गैंडाकोट । इलाका प्रहरी कार्यालय गैँडाकोटका प्रमुख प्रहरी निरीक्षक चन्द्रबहादुर थापाले स्वास्थ्यलाई ख्याल गरेर मात्रै तिहार मनाउन आग्रह गर्नुभएको छ । बालवालिका सहित परिवारको स्वाथ्यमा असर गर्ने पटकाजन्य पदार्थ नपड्काउन र बालवालिकालाई खुशी बनाउने वहानामा पडका नदिन थापाले नगरवासीलाई आग्रह गर्नुभयो । यदि छिमेकीलाई असर गर्ने कुनै गतिविधि भएको मौखिक उजुरी आएपनि ठाउँमै गएर कारवाही गरिने बताउनुभयो । शान्त सुरक्षित र व्यस्थित तथा मर्यादीत भएर चाडपर्व मनाउन आग्रह गर्दै खुशी हुने समय प्रहरी नियन्त्रणमा रहनुपर्ने खालका काम नगर्न पनि उहाँको सुझाव रहेको छ । पूर्व पश्चिम राजमार्ग समेत रहेको नगरपालिकामा सवारी चकेजाँचलाई पनि कडा पारिएको छ । आज मात्रै १० जना सवारी चालकलाई कारवाही गरिएको उहाँले जानकारी दिनुभयो । चाडपर्वको समय मादक पदार्थ सेवन गरी सवारी चलाउने, बील बुक लाइसेन्स नभइ सवारी चलाउने बढी दुर्घटनामा पर्ने भएका कारण चेकजाँच बढाएको प्रहरी निरीक्षक थापाले बताउनुभयो । मोवाइल चेकप्वाइन्ट अन्तगर्त विहान दिउसो र रातको समय १५ देखि २० मिनेटको फरकमा विभिन्न ठाउँमाहरुमा सवारी चेकजाँच बढाइएको र जुवातास खेल्ने सम्भावित ठाउँहरुमा कडा निगरानी राखिएको उहाँको भनाई छ । यदि समाजमा शान्ति सुरक्ष खलबल्याउने, जाँड रक्सी खाएर होहल्ला गर्नेहरु भए तुरुन्तै इलाका प्रहरी कार्यालय गैंडाकोटमा खवर गरिदिन पनि उहाँको आग्रह छ ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय