काठमाडौं । नेपाल दक्षिण एशियाको सबैभन्दा खुशी देशको सूचीमा परेको छ । ‘वर्ल्ड ह्याप्पिनेस रिपोर्ट २०२५’ अनुसार दक्षिण एशियाको सबैभन्दा खुशी देशमध्ये नेपाल पहिलो स्थानमा परेको हो । विश्वका १४७ देशमा गरिएको सर्वेक्षणमा नेपाल ५.३११ अङ्कसहित ९२औं स्थानमा परेको हो । गएको वर्षको तुलनामा नेपालले १ स्थान सुधार गरेको छ ।

नेपाल ९२औं स्थानमा, पाकिस्तान १०९औं स्थानमा, भारत ११८औं स्थानमा, श्रीलङ्का १३३औं स्थानमा, चीन ६८औं स्थानमा र बङ्गलादेश १३४औं स्थानमा रहेको छ । विश्वमा सबैभन्दा धेरै खुशी हुने देशको शीर्ष स्थानमा फिनल्याण्ड रहेको छ । दोस्रो स्थानमा डेनमार्क, तेस्रो स्थानमा आइसल्याण्ड, चौथौ स्थानमा स्वीडेन, पाँचौँ स्थानमा नेदरल्याण्डस, छैठौँ स्थानमा कोस्टारिका, सातौँ स्थानमा नर्वे, आठौँ स्थानमा इजरायल, नवौँ स्थानमा लग्जम्बर्ग र दशौँ स्थानमा मेक्सिको रहेका छन् ।

अमेरिका भने गएको वर्षभन्दा कम खुशी देशको सूचीमा परेको छ । गएको वर्ष २३औं स्थानमा रहेको अमेरिका १ स्थान तल झर्दै यस वर्ष २४औं स्थानमा आएको छ ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने