कालिका । रुपान्तरणकारी सामाजिक परिचालन तालिम कालिका नगरपालिका वडा नं–३ स्थित जनहित राष्ट्रिय माविको सभाहलमा सम्पन्न भएको छ । करुणा ट्रस्ट, युकेको आर्थिक तथा प्राविधिक सहयोगमा नेपाल दलित उत्थान संघको आयोजनामा कालिका नगरपालिका वडा नं–३ भित्रका विभिन्न समुदायका महिलाहरुको उपस्थितिमा पाँच दिनसम्म तालिम सञ्चालन भएको थियो ।

कार्यक्रमका प्रमुखअतिथिसमेत रहेका नगरप्रमुख विनोद रेग्मीले नगरभित्र कुनै पनि बालबालिका शिक्षाबाट वञ्चित भएको भए नगरले शिक्षाको ग्यारेन्टी गर्ने रेग्मीले बताए । साथै, उनले तालिममा सिकेका कुराहरु व्यवहारमा लागू गर्नुपर्नेमा जोड दिए । उनले तालिमको सहायताबाट महिला दिदीबहिनीहरुमा आफ्नो काम, कर्तव्य र अधिकारका बारेमा सचेतना जगाएको बताउँदै अब उत्पादन र श्रमसँग जोडिनुपर्ने बताए । महिलाहरुमाथि हुने विभिन्न विभेदको अन्तय गर्नका लागि तालिमले सहयोग पुग्ने नगरउपप्रमुख विमला तामाङले बताइन् ।

महिलाहरु अब अरुमा निर्भर नभई आफ्नै उत्पादनमा क्षेत्रमा लाग्नुपर्ने उनकोे भनाइ थियो । तालिमले वडाका महिला दिदीबहिनीहरुलाई भोलिका दिनमा धेरै फाइदा पुग्ने बताउँदै पछिल्ला दिनहरुमा वडाले गर्नुपर्ने सहयोगको लागि आफू प्रतिबद्ध रहेको कालिका–३ का वडाध्यक्ष वीरेन्द्र तामाङले बताए । कार्यक्रममा कालिका नगरपालिकाका सूचना तथा सामाजिक विकास शाखा प्रमुख प्रकाश पौडेल, कालिका नगरपालिकाकी महिला बालबालिका तथा ज्येष्ठ नागरिक शाखा प्रमुख सम्झना ढकाल, लुमन्ती आवासका लागि सहयोगका कार्यक्रम संयोजक सिंहबहादुर लामा र प्रशिक्षक सोनालाल चौधरीलगायतको उपस्थिति रहेको थियो ।

तालिममा सहभागीमध्ये सन्जु पाख्रिन र लक्ष्मी तामाङले तालिमपश्चात् भएको उपलब्धिका बारेमा आफ्ना भनाइ राखेका थिए । तालिम समापन समारोह नेपाल दलित उत्थान संघकी अध्यक्ष विन्दु परियार थापाको अध्यक्षतामा भएको थियो । कार्यक्रमको सञ्चालन करुणा ट्रस्टकी सामाजिक परिचालक कमला पन्थीले गरेकी थिइन् ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार