☰

भर्खरै

लोकप्रिय समाचार

सरकारले चितवनको बजेटमा विभेद गरेको छ : प्रचण्ड

  •   मङ्गलबार, असार ०३, २०८२ मा प्रकाशित
    • अ
    • अ
    • अ

    चितवन । नेकपा (माओवादी केन्द्र)का अध्यक्ष पुष्पकमल दाहाल प्रचण्डले चितवनको बजेटमा सरकारले विभेद गरेको बताएका छन् । चितवनमा आफनै निवासमा आयोजना गरिएको पत्रकार सम्मेलनमा अध्यक्ष प्रचण्डले चितवन मात्र होइन, अन्यत्र पनि सरकारले राम्रा आयोजनाहरुका बजेट कटौती गरेर विभेद गरिएको बताएका हुन् । चितवनको बजेटमा सरकारले विभेद गरेको छ । चितवन प्रचण्डको जिल्ला भएकोले, भरतपुरमा रेनु दाहाल सफल मेयरमध्येमा परेकोले बजेटमा विभेद गरेको हो ? प्रचण्डले प्रश्न गदै भने, यहाँ (चितवन) मात्र होइन, अन्यत्र पनि त्यस्तै भएको छ ।

    राम्रा र फाइदाजनक आयोजनाका बजेट हटाइएको छ । तर आफनालाई फाइदा हुनेमा मात्र बजेट पारिएको छ । प्रचण्डले आफुले संसदमा यसबारेमा प्रष्टसँग कुरा उठाउने बताएका छन् । ‘म यसबारेमा सदनमा पनि प्रष्टसँग कुरा उठाउने छु । गहिरो गरी अध्ययन गर्नुस् त चितवन देखि अन्यत्रका बजेटमा पनि विभेद छ ।’ यस्तै ‘प्रचण्ड’ले ‘भिजिट भिसा’ अहिलेको मात्र समस्या नभएको बताएका छन् । उनले भने, “यो २०६४ सालदेखि चल्दै आएको छ भन्ने कुरो तपाईँहरूले पनि थाहा पाउनुभएको छ र हामीले पनि थाहा पाएकै छौँ ।” यस विषयमा छानबिन र नीतिगत सुधार गर्नुपर्ने उनको भनाइ छ । यो मुद्दालाई त्यत्तिकै नछाड्ने उनले बताए। यसका लागि जरुरी परे संविधान संशोधन, ऐन निर्माण र नीतिगत निर्णय गर्नु परे पनि गरिने उनको धारणा छ ।

    उनले भने, “मैले छोडेर पनि यो मुद्दा नेपाली जनताले छाड्ने कुरा हुँदैन ।” प्रचण्डले आफूहरू प्रतिपक्षमा भए पनि सत्ता पक्षको जस्तो भूमिका निर्वाह गर्दै आएको बताए । उनले भने, “हामीले संविधानका निम्ति, ऐन कानुनका निम्ति, सिस्टमका निम्ति सत्तापक्षको भूमिका खेल्नुपर्ने बाध्यता छ ।”

    पत्रकारको एक प्रश्नमा प्रचण्डले अहिले देशका जुनकुनै स्थानमा पनि आफुले चुनाव जित्ने पनि बताएका छन् । गोरखामा मात्र होइन, अहिले आफु जाहा गएपनि तपाई यहाँ आएर चुनाव लडिदिनुपरयो भन्ने जनता देखेको भन्दै प्रचण्डले आफुले जहाँ गएपनि चुनाव जित्नलाई अब समस्या नरहेको बताएका छन् ।

    लोकप्रिय

    भर्खरै