चितवन । भरतपुर–७, कृष्णपुरस्थित अङ्कुरम् एकेडेमीमा आयोजित तीनदिने सेमिनार तथा रोबोटिक्स कार्यशाला सम्पन्न भएको छ । एसइई दिएर बसेका चितवन तथा नवलपुरका विद्यार्थीहरू सम्मिलित उक्त तीन दिने वर्कसप रोबोटिक्स एसोसिएसन अफ नेपाल र अङ्कुरम् एकेडेमीको आयोजनामा सम्पन्न भएको हो । विभिन्न विद्यालयका १२१ जना विद्यार्थीको सहभागिता रहेको उक्त कार्यक्रमलाई पहिलो र दोस्रो गरी दुई चरणमा विभाजन गरिएको र पहिलो चरणमा सेमिनार, रोबोटिक्स डिजाइन थिङ्किङ्गबारे जानकारी र विद्यार्थीहरूको प्रस्तुतीकरण रहेको थियो ।
कार्यक्रमको दोस्रो चरणअन्तर्गत दोस्रो र तेस्रो दिनमा रोबिोटिक्स केहो ?, यसका मेकानिकल उपकरणहरूबारे जानकारी, विद्युतीय उपकरणहरूबारे आधारभूत ज्ञान, यसमा प्रयोग हुने मोटर ड्राइभर र प्रोग्रामिङ्गबारे जानकारी दिइएको कम्प्युटर साइन्सका विभागीय प्रमुख इन्जिनियर तेजप्रसाद अर्यालले जानकारी दिए । कार्यशालामा सेन्सर, अल्ट्रासोनिक सेन्सर तथा सेन्सर इन्टरफेसबारे समेत सहभागीलाई सूक्ष्म जानकारी प्रदान गरिएको उनले बताए ।
पाँच/पाँच जना विद्यार्थीको समूह बनाई स्पर्धा गराइएको उक्त कार्यशालामा २१ समूहको सहभागिता रहेको थियो । रोबोटिक्स एसोसिएसन नेपालले हरेक वर्ष राष्ट्रियस्तरको रोबोटिक्स प्रतिस्पर्धा गराउने र सो स्पर्धामा प्रथम हुने विद्यार्थी अन्र्ताष्ट्रिय स्पर्धाका लागि क्वालिफाइ हुने एसोसिएसनका महासचिव ओमकार जैसवालले जानकारी दिए । एसइई उत्तीर्णपछि कक्षा ११ मा कम्प्युटर साइन्स तथा कम्प्युटर म्यानेजमेन्ट अध्ययन गर्ने सोच भएका विद्यार्थीहरूमा कृत्रिम बुद्धिमत्ता (एआई) र रोबोटिक्सबारे कौशल वृद्धि गर्नका लागि कार्यशालाको आयोजना गरिएको +२ निर्देशक डा आरएन धितालले जानकारी दिए । उनले भने, ‘अबका विद्यार्थीको लक्ष्य उत्तम ग्रेडसिट मात्र नभई ज्ञान, नवीनता र सोच परिवर्तनका लागि जोड दिनुपर्छ ।’
‘क वर्गको विद्यालयले अभिभावकीय जिम्मेवारी बहन गर्न पनि नियमित कार्यक्रमहरू आयोजना गरिएको हो’, उनले भने ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.