☰

भर्खरै

लोकप्रिय समाचार

कल्याणपुरका मेयर साह एक लाख रुपैयाँसहित रङ्गेहात पक्राउ

  •   बुधबार, असार ३२, २०८२ मा प्रकाशित
    • अ
    • अ
    • अ

    सिरहा । सिरहाको कल्याणपुर नगरपालिकाका मेयर रामपुकार साह एक लाख रुपैयाँ घुस रकमसहित रङ्गेहात पक्राउ परेका छन्। अख्तियार दुरुपयोग अनुसन्धान आयोग बर्दिबास कार्यालयबाट खटिएको टोलीले आज दिउँसो उनलाई नगरपालिकाको कार्यालय परिसरबाटै नियन्त्रणमा लिएको हो।

    आयोगका अनुसार, उपभोक्ता समितिबाट भुक्तानीको प्रक्रियामा मेयर साहले एक लाख रुपैयाँ घुस लिइरहेका बेला उनी पक्राउ परेका हुन्। आयोगले पूर्व जानकारीका आधारमा निगरानी गर्दै आएको र प्रमाणसहित उनलाई नियन्त्रणमा लिएको आयोग स्रोतले जनाएको छ।

    हाल घटनास्थलबाट घुस रकमसहितको मुचुल्का तयार पारी साहविरुद्ध आवश्यक कानुनी प्रक्रिया अगाडि बढाइएको आयोगको कार्यालय बर्दिबासले जानकारी दिएको छ।

    लोकप्रिय

    भर्खरै