गैँडाकोट। गैँडाकोट सुनचाँदी व्यवसायी संघले आजदेखि सम्पूर्ण सुनचाँदी पसल तथा व्यवसाय बन्द गर्ने निर्णय गरेको छ। संघले आइतबार आयोजना गरेको भेलाको निर्णय अनुसार सरकारले सुनमा लगाएको २ प्रतिशत बिलासिताको कर र हिरा तथा रत्नजडित गहनामा १३ प्रतिशत VAT (मूल्य अभिवृद्धि कर) लागू गरेपछि व्यवसायीहरू आन्दोलित भएका छन्।

संघले विज्ञप्ति जारी गर्दै उक्त कर प्रणालीलाई अत्यावश्यक करको नाममा पूर्ण रूपमा खारेज गर्न सरकारलाई दबाब दिनुको लागि व्यवसाय बन्द गर्ने निर्णय गरिएको उल्लेख गरेको छ। संघका अध्यक्ष सुरज रामदाम र महासचिव अविनास सुनारले हस्ताक्षर गरेको विज्ञप्तिमा भनिएको छ, “उपरोक्त कर प्रणालीले व्यवसायमा गम्भीर असर पारेको छ, त्यसैले अर्को सूचना जारी नहुन्जेलसम्म सम्पूर्ण सुनचाँदी व्यवसाय बन्द रहनेछ।”

संघले सबै व्यवसायीहरूलाई यो निर्णयको पूर्ण पालना गर्न पनि आग्रह गरेको छ। विज्ञप्तिमा उल्लेख छ कि निर्णयको अवहेलना भएमा संघको निर्णयअनुसार जरिवाना गरिनेछ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान