सरकारले तोकेको स्वास्थ्य मापदण्ड पालनासहित बाल्मिकीमा कक्षा १२को परीक्षा सञ्चालन

मङ्गलबार, मङि्सर ०९, २०७७ मा प्रकाशित

चितबन । गत बैशाख ८ गतेबाट संचालन हुनु पर्ने कक्षा १२ को अन्तिम परिक्षा आजबाट सुरु भएको छ। सरकारको निर्देश अनुसार भरतपुर-४ को बाल्मिकि शिक्षा सदनले स्वास्थ मापदण्ड पुरा गरि विद्यार्थीहरुको परिक्षा लिएको छ। चितवन भरतपुरको वाल्मीकि कलेजमा आज अनुकरणिय दृश्य देख्न सकिन्थियो । पीपीई लगाएका शिक्षक, स्यानिटइजर साथमा राखेर उत्तरपुस्तिकामा उत्तर लेखिरहेका ५ सय ४८ बिद्यार्थी, त्यो पनि खुल्ला आकाश मुनि। सरकारले आह्वान गरेको स्वास्थ्य सजगता र सुरक्षाका सम्पूर्ण मापदण्ड अपनाएर वाल्मीकिले ५ सय ४८ बिद्यार्थीको परिक्षा संचालन गरेको हो। कोरोनाका कारण स्थगित भएको कक्षा १२ को परिक्षा खुल्ला आकाश मुनि सामाजिक दूरी र सुरक्षाका विभिन्न मापदण्ड अपनाउँदै, स्वास्थ्यकर्मि परिचालिन गरि हेल्थ डेक्स राखि संचालन भएको परीक्षा व्यवस्थापन प्रमुख रबिन्र्द बिस्टले बताए। उनका अनुसार परिक्षा बिहान ८ बजे देखि ९:३० सम्म सम्पन्न भएको थियो। आज अङ्ग्रेजीको परिक्षा संचालन भएको हो । विज्ञानतर्फ झण्डै ३०६ र व्यवस्थापनतर्फ २४२ जना र आंशिक तर्फ २ जनाले विद्यार्थीले परिक्षा दिएका छन्। बिस्टका अनुसार २ जना परिक्षार्थी अनु्पस्थित रहे । एक जना कोरोना संक्रमित र एक जना टाढा रहेका कारण परिक्षामा सहभागी नभएको हो । “कोभिड-१९ को कारण अन्यौलमा रहेका बिद्यार्थीलाई सुरक्षी महसुस गराउदै र मनोबल उच्च बनाउदै परिक्षा संचालन न गरेका हौँ।” बिस्टले भने, “खुल्ला आकास मुनि सरकारले तोकेको मापदण्ड अपनाएर गरिएको परिक्षाले एउटा पाठ सिकेको छ। एउटा बेञ्चमा एक जना राखेका छौं। ” परीक्षामा शिक्षकहरुले पनि पीपीईको प्रयोग गरेका थिए। बिद्यार्थीले भने स्यानिटाइजर प्रयोग गरेर परीक्षा दिइरहेका थिए।