काठमाडौँ । भारत र अमेरिकाको सम्बन्ध दिनप्रतिदिन खराब हुदै गइरहेको देखिएको छ । अमेरिकाले भारतलाई ५० प्रतिशत कर लगाएर शुरु भएको खराब सम्बन्धको शुरुवातसँगै अब राष्ट्रपति डोनाल्ड ट्रम्पले यस बर्षको अन्त्यमा हुने भारत भ्रमण स्थगित गरेका छन् । न्यूयोर्क टाइम्सले मोदीले ‘सच्चा साथी’ भनेका ट्रम्पको अब उनीसँग सम्बन्ध बिग्रिएको दाबि गर्दै यस वर्षको अन्त्यमा क्वाड शिखर सम्मेलनमा भाग लिन भारत आउने बताएका ट्रम्प अब नआउने भएका हुन् ।
कर लगाएपछि भारतमा ट्रम्पको विरुद्धमा अब नकारात्मक वातावरण सिर्जना भएको छ । गत हप्ता, महाराष्ट्रमा एक उत्सवको क्रममा, उनको एउटा विशाल पुतला घुमाइएको थियो, जसमा उनलाई ‘पिठ्युँमा छुरा प्रहार गर्ने’ व्यक्तिको रूपमा देखाइएको थियो । अमेरिकाले चालेका कडा कदमहरूलाई भारतमा पूर्ण रूपमा धम्की अर्थात् ‘गुण्डागिरी’ भनिरहेका छन् । न्यूयोर्क टाइम्सको रिपोर्टका अनुसार, भारत र अमेरिकाबीचको तनावको वास्तविक कारण ट्रम्पको नोबेल पुरस्कारको चाहना भएको समेत दाबी गरिएको छ ।
रिपोर्टमा ट्रम्पले जुन १७ मा प्रधानमन्त्री मोदीसँग फोनमा कुराकानी गरेका थिए । यस क्रममा ट्रम्पले भारत र पाकिस्तानबीच युद्धविराम ल्याउनमा आफूले गर्व गरेको बताएका थिए । यसपछि, ट्रम्पले मोदीलाई पाकिस्तानले नोबेल पुरस्कारको लागि मनोनयन गर्ने बताए ।
ट्रम्पले अप्रत्यक्ष रूपमा भारतलाई पनि त्यस्तै गर्न आग्रह गरे तर मोदीले ट्रम्पको यस प्रस्तावलाई नजरअन्दाज गरिदिए । मोदीले ट्रम्पलाई स्पष्ट रूपमा भारत र पाकिस्तानबीचको युद्धविरामसँग अमेरिकाको कुनै सरोकार नभएको र यो भारत र पाकिस्तानबीच प्रत्यक्ष रूपमा भएको बताए । मोदीले भारतको संसदमा पनि पाकिस्तानसँगको अप्रेशन सिन्दुर रोकिनुमा अमेरिकाको भूमिकालाई खारेज गरेका थिए ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.