चितवन  ।    शनिबार  राजधानी काठमाडौंमा सम्पन्न 4th District Installation, 1st Council Meeting & Award Ceremony कार्यक्रम अन्तर्गत लियो जिल्ला परिषद् ३२५ आर नेपाल (Lion Year 2024/25) द्वारा लियो क्लब अफ नारायणगढ दियालोका निवर्तमान अध्यक्ष (IPP) लियो रमन वाग्लेलाई “Dedicated Leo of the Year” पुरस्कारबाट सम्मानित गरिएको छ।

उहाँले आफ्नो कार्यकालभर क्लबलाई नयाँ उचाइमा पु-याउँदै, सामाजिक सेवा, नेतृत्व विकास, शिक्षामा सहयोग, स्वास्थ्य शिविर, वृक्षारोपण, र विभिन्न मानवतामूलक अभियानहरूमा निरन्तर सक्रिय भूमिका निभाउनुभएको थियो। उहाँको यही समर्पण, सेवा भावना र लियो आन्दोलनप्रतिको प्रतिबद्धताको कदरस्वरूप यो सम्मान प्रदान गरिएको हो। सम्मान ग्रहण गर्दै निवर्तमान अध्यक्ष लियो रमन वाग्लेले भावनात्मक रूपमा भन्नुभयो — “यो पुरस्कार मेरो व्यक्तिगत उपलब्धि होइन, मेरो क्लब, मेरा अग्रजहरू, मेरा साथी सदस्यहरू र मेरो परिवारको सामूहिक प्रयासको परिणाम हो। म गर्वले होइन, कृतज्ञताले भरिएको छु — हरेक सानो योगदानले म आज यहाँसम्म आइपुगेको छु।”

लियो वाग्लेले आफ्नो नेतृत्वकालमा क्लबलाई सामाजिक उत्तरदायित्व र सकारात्मक परिवर्तनको प्रतीक बनाउँदै “We Serve” भन्ने भावनालाई व्यवहारमा रूपान्तरण गर्न सफल हुनुभएको थियो। लियो क्लब अफ नारायणगढ दियालोका सदस्यहरूले उहाँको समर्पण, नेतृत्व र निरन्तर प्रेरणालाई क्लबको गौरवको विषयका रूपमा लिएका छन्। क्लब परिवारले उहाँप्रति हार्दिक बधाई ज्ञापन गर्दै भविष्यमा पनि यस्तै प्रेरणादायी कार्यहरू निरन्तर रहून् भन्ने शुभकामना व्यक्त गरेको छ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान