चितवन । चितवनमा आज बिहान भएको सवारी दुर्घटनामा एक जनाको ज्यान गएको छ भने चार जना घाइते भएका छन्। स्कारपियो गाडीले अटोलाई ठक्कर दिँदा उक्त दुर्घटना भएको प्रहरीले जनाएको छ।

मृत्यु हुनेमा माडी नगरपालिका वडा नम्बर ७ निवासी ४४ वर्षीय मिनबहादुर खत्री रहेका छन्। दुर्घटनापछि गम्भीर घाइते भएका खत्रीलाई उपचारका लागि चितवन मेडिकल कलेज लगिएको थियो। उपचारकै क्रममा उनको मृत्यु भएको अस्पताल स्रोतले जनाएको छ।

प्रहरीका अनुसार गितानगरबाट भरतपुरतर्फ जाँदै गरेको बा.प्र. ०३–००१ ह २३८८ नम्बरको अटो रिक्सा भित्री सडकबाट मुख्य सडकमा प्रवेश गर्दै गरेको वा.प्र. ०१–०२९ च १४१७ नम्बरको स्कारपियोसँग ठोक्किएको थियो। बिहान करिब ४ बजे भएको उक्त दुर्घटनामा अटोमा सवार अन्य चार जना यात्रु घाइते भएका छन्।

घाइतेहरूको चितवन मेडिकल कलेजमा उपचार भइरहेको छ। जिल्ला प्रहरी कार्यालय चितवनका प्रहरी नायव उपरीक्षक (डीएसपी) रविन्द्र खनालका अनुसार घाइते सबैको अवस्था मध्यम रहेको छ र उनीहरू खतरा मुक्त रहेका छन्।

दुर्घटनामा संलग्न स्कारपियो गाडी र चालकलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।

बिहान सबेरै भएको यस दुर्घटनाले सडक सुरक्षाप्रति फेरि एकपटक ध्यानाकर्षण गराएको छ। सवारी चालकले गति नियन्त्रण, ट्राफिक नियमको पालना तथा सावधानी अपनाउनुपर्ने आवश्यकता पुनः देखिएको छ। प्रहरीले दुर्घटनाको वास्तविक कारणबारे अनुसन्धान जारी राखेको जनाएको छ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै