काठमाडौं । राष्ट्रिय प्रजातन्त्र पार्टीका अध्यक्ष कमल थापाले राजसंस्था र हिन्दुराष्ट्र पुनःस्थापनाका लागि भएको आन्दोलनमा राप्रपाको समर्थन रहने बताउनुभएको छ । सोमबार पार्टी कार्यालयमा भएको झण्डोत्तोलन तथा चुनाव चिन्ह अनावरण समारोहमा थापाले स्वःस्फूर्त रुपमा देशभर भएको आन्दोलनमा आफूहरुको ऐक्यबद्धता रहेको बताउनुभयो । राजसंस्था र हिन्दु राष्ट्र राजनीतिक स्वार्थ नभएर देशको अस्तित्व, पहिचान र सार्वभौमिकतासँग जोडिएको विषय भएको अध्यक्ष थापाले दावि गर्नूभयो । सोही कार्यक्रममा अर्का अध्यक्ष पशुपति शमशेर जबराले सरकारले सिन्को पनि नभाँचेको आरोप लगाउनुभयो । ‘मुलुक अहिले नराम्रो अवस्थामा छ । दुई तिहाई सरकार दुई वर्षमा दिशाहीन अवस्थामा सरकार रहेको उहाँको आरोप रहेको थियो । यस्तै अर्का अध्यक्ष डा।प्रकाशचन्द्र लोहनीले राष्ट्रपति विद्यादेवी भण्डारी एउटा पार्टी र त्यस्मा पनि एउटा समूहको जस्तो मात्र देखिएको आरोप लगाउनुभयो । ‘चारुमतीस्थित पार्टी कार्यालयमा पार्टीको झण्डोत्तोलन पूर्व प्रधानमन्त्री लोकेन्द्रबहादुर चन्दले गर्नुभएको थियो भने चुनाव चिन्ह अध्यक्षत्रय कमल थापा, पशुपति शम्शेर जबरा र डा। प्रकाशचन्द्र लोहनीबाट सार्वजनिक भएको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.