काठमाडौं । कोरोना महामारीले नौ महिनादेखि रोकिएको सवारी चालक अनुमतिपत्र (लाइसेन्स) को परीक्षा एक सातापछि खुला हुने भएको छ । सम्बन्धित प्रदेश कार्यालयले एकैपटक लाइसेन्सको परीक्षा खुला गर्ने गरी आवश्यक तयारी गरिरहेकाले १५ पुसपछि परीक्षा खुल्ला गर्न लागिएको यातायात व्यवस्था विभागले जनाएको छ । सवारी चालक अनुमतिपत्रको परीक्षा र अनलाइन फाराम दर्ता सम्बन्धित प्रदेशको भौतिक पूर्वाधार विकास मन्त्रालय र त्यस अन्तर्गतका यातायात कार्यायलबाट हुने भएकाले सोही अनुसारको आवश्यक व्यवस्था मिलाउने तयारी भइरहेको विभागका सूचना अधिकारी लोकनात भुसालले जानकारी दिनुभयो । उहाँका अनुसार लाइसेन्सको परीक्षा र प्रयोगात्मक परीक्षा ९ट्रायल० लिने विषयमा आवश्यक तयारी भएको र औपचारिक निर्णय मात्रै हुन बाँकी छ । १५ पुस सातै प्रदेशबाट चारपाङ्ग्रे र दुईपाङ्ग्रे दुवै प्रकारका सवारीको चालक अनुमति पत्रको परीक्षा खुला हुँदैछ । अनलाइन प्रणालीबाट परीक्षा लिने गरी आवेदन खुला गर्ने भए पनि परीक्षा लिने र ट्रायल गरान सक्ने आधारमा दैनिक परीक्षाको कोटा भने सम्बन्धित यातायात कार्यालयले नै तोक्ने भुसालले बताउनुभयो । यद्यपि आवेदन भने सबैले दिन पाउनेछन् । काठमाडौं उपत्यकाको लागि भने तीन वटा कार्यालयबाट परीक्षाको कार्य हुनेछ । सबै कार्यालयबाट अनलाइनमार्फत आवेदन दिन र सवारी चालक अनुमतिपत्रको परीक्षा दिन सकिने छ । अब लिने सवारी चालकको परीक्षाबाट लाइसेन्स पनि छिटो दिने गरी व्यवस्था मिलाइने यातायात व्यवस्था विभागले जानकारी दिएको छ ।

आगामी तीन दिन देशका अधिकांश स्थानमा मौसम सफा रहने

तीन महिनामा २० हजारभन्दा बढीले गरे पाथीभराको दर्शन, ३३ लाख २६ हजार भेटी संकलन

बाढी प्रभावित ऋणीलाई बैंकको किस्ता तिर्न पुस मसान्तसम्मको समय