चितवन । २०४६ सालको जनआन्दोलनको पूर्ब तयारीका समयमा गिरफ्तारीमा परेका नेताहरु सहित नेपाली काँग्रेस माडी नगरसमितिले ३६ जनालाई सम्मान गरेको छ । सम्मानीति हुनेहरुमा तत्कालिन नेताहरु रामकृष्ण घिमिरे, पृथ्वीमान गुरुङ्, डा. सूर्यकान्त घिमिरे, नारायण दाहाल, धनरा दुरा, कुशल दुरा, चित्र वहादुर दुरा सहित अन्य रहेका छन् ।

आन्दोलनको तयारीका क्रममा माडीको गोविन्द बस्तिमा चित्र वहादुर दुराको घरमा वैठक सबसिरहेको अबस्थामा तत्कालिन शाहि नेपाली सेनाले गिरफ्तार गरि राज्यलाई बुझाएको दिनको सम्झनामा उनीहरुलाई सम्मान गरिएको हो । नेपाली काँग्रेस चितवनका सभापति जीतनारायण श्रेष्ठले उहाँहरुलाई सम्मान गर्नु भएको थियो ।

सो अवसरमा बोल्ने काँग्रेस चितवनका नेताहरुले अलोकतान्त्रीक ओली सरकारको बिरुद्धमा सबै एक भएर लाग्नु आबश्यक रहेको बताउनुभयो । जुन सुकै समयमा पनि पार्टीले सरकार बिरोधि गतिबिधि गर्न सक्ने भन्दै उनीहरुले सबैलाई निरङ्कुश ओली सरकारको बिरुद्ध जुट्न उहाँहरुले आव्हान गर्नु भयो । सरकारले अहिले अलोकतान्त्रीक निर्णय गरेको भन्दै उहाँहरुले सरकार अधिनायक बादको बाटोमा हिडिरहेको बताउनुभयो ।