चितवन । पछिल्लो पाँच दिनको अवधीमा तीव्र गतिमा सवारी चलाउने १४६ सवारी चालक कारबाहीमा परेका छन् । सवारी दुर्घटना न्युनिकरणका लागि जिल्लामै बढी दुर्घटनाको जोखिमयुक्त क्षेत्र मानिने पुर्वी चितवनका सडकखण्डहरुमा लाइडर गनको सहायताले सवारीहरुको गति मापन गरिएको थियो । ट्राफिक प्रहरीले पुर्वी चितवनको टाँडी, खैरहनी र भण्डाराका सडकखण्डहरुमा तीव्र गतिमा चलाउने सवारी चालकहरुलाई कारबाही गरेको जिल्ला ट्राफिक प्रहरी कार्यालय चितवनका प्रमुख प्रहरी निरीक्षक दयाकृष्ण भट्टले जानकारी दिए । जिल्लामा अधिकांश दुर्घटना तीव्र गतिका कारण हुने गरेको छ । सवारीको गति सरदर १० प्रतिशतले बढ्दा दूर्घटनामा मानिसको ज्यानै जान सक्ने दर ४० देखि ५० प्रतिशतले बढ्न जाने उनले बताए । चालु आर्थिक बर्ष २०७७÷७८ को मंसिर मसान्तसम्म जिल्लामा भएको जम्मा १७१ वटा दुर्घटनामध्ये तीव्र गतिका कारण मात्रै १३३ दुर्घटना भएका थिए ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार