चितवन। भरतपुर १० मा रहेको नव चितवन बचत तथा ॠण सहकारीले आफ्नो २२ औँ बार्षिकोत्सव कार्यक्रम अन्तर्गत रहेर शनिवार र आइतवार गरी ४० जना विद्यार्थीहरुलाई छात्रावृति वितरण गरेको छ । व्यवस्थापन समितिका संयोजक बद्रि पोखरेल प्रमुख अतिथि रहनु भएको कार्यक्रममा उहाँले नव चितवन बचत तथा ॠण सहकारीले हरेक बर्ष छात्रावृती बितरण कार्यक्रकलाई अगाडी बढाएको हुँदा यो सहकारी सामाजिक क्षेत्रमा पनि उतिकै सक्रिय रहेको बताउनु हूँदै सहकारीले छात्रावृती कार्यक्रम ल्याएकोमा धन्यवाद ज्ञापन गर्नु भयो ।

नव चितवन बचत तथा ऋण सहकारीले वार्षिकोत्सब अवसर पारेर आइतवार बालकुमारी मा.बि नारायणगढ का २० जना विद्यार्थीहरुलाई छात्रावृती वितरण गरेको छ । यसैगरी शनिवार भरतपुर १ देवघाटधाम मा रहेको श्री वागिश्वरी आध्यात्मिक परिषद योगीनरहरीनाथ आश्रम बाट सन्चालित समावेशी गुरुकुलका छात्रहरुलाई जाडोको न्यानो कपडा प्रदान गरिएको सहकारी संस्थाका अध्यक्ष जगदिश्वर खनालले जानकारी दिनुभयो । कार्यक्रममा सहकारीका उपाध्यक्ष राम प्रसाद वस्तीले स्वागत मन्तव्य राख्नु भएको थियो भने सहकारीको अध्यक्ष जगदिश्वर खनालको अध्यक्षतामा कार्यक्रम सम्पन्न भएको हो ।

संस्थाका सचिव बाबु हरी आचार्यले कार्यक्रमलाई सहजिकरण गर्नु भएको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

नेपाली बी–फार्मेसी विद्यार्थी सुप्रिया अधिकारीलाई मेटाबाट ३ हजार ७५० डलर पुरस्कार