चितवन । चितवनको भरतपुर क्षेत्रमा चल्ने अटो तथा इ–रिक्साले मनलाग्दी भाडा असुल्दा सर्वसाधरणहरु मारमा परेका छन् । भरतपुरका मुख्य बजार क्षेत्र सहिदचोक, चौबीसकोठि, हस्पिटल रोड, र बजार छेउछाउबाट भित्रि बस्तीहरुका छुट्ने यि सवारीले आफुखुसि भाडा असुल्ने गर्दा सर्बसाधरणहरु मर्कामा परेका हुन । जिल्लामा सञ्चालन हुने अटो एवं इरिक्साको निश्चित भाडादर कायम गरे पनि यहाँ चल्ने कुनै पनि अटो एवं ई–रिक्साले सरकारी निर्देशनलाई मानेका छैनन् । यातायात व्यवस्था कार्यालयले ३० रुपैयाँ भाडादर कायम गरेको छ । तर जिल्लाका सबैजसो अटो व्यवसायीले भने सरकारी निर्देशनको अवज्ञा गर्दै अटो चढ्नेबित्तिकै मनपरि दरले भाडा लिने गरेको देखिन्छ । भाडादर कार्यान्वयनमा निगरानि नहुदा अटो व्यवसायीहरुले सर्वसाधारणहरुलाई ब्रम्हलुट गरिरहेको यात्रुहरुले गुनासो गरेका छन् । अटो रिक्साको भाडामा देखिएको मनोमानी र लूटतन्त्रमा प्रशासन तथा ट्राफिकले नै चासो नदिएको यात्रुहरुको गुनासो छ । यसरी सरोकारवालाहरुले नै चासो नदिदा अटो ब्यबसायीहरुमा मनोमानी भाडा अशुल्ने प्रवृत्ति मौलाउदै गएको देखिन्छ । यसरी चल्ने अटोहरुमा अधिकांश चालकहरु बिना लाईसेन्स चलाउने गरेको देखिन्छ । यसरी बिना लाईसेन्स चलेका अटो तथा ई–रिक्सा चालकहरुलाई ट्राफिक प्रहरीले समेत निगरानि गरेको देखिदैन । जसकारण बिना लाईसेन्सका अटो ब्यवसायिहरुको संख्याा बढ्दै गएको छ । अटो तथा ई–रिक्साको लाईसेन्स मात्र हैन गाडीको नम्बर समेत नभएको भएपनि ती सवारी साधनहरु ट्राफिक प्रहरी कै सामू निर्वाध रुपमा चल्ने गरेको प्रत्यक्षदर्शी बताउँछन् । पछिल्लो समय यातायातका साधनका लागि निकै लोकप्रिय बन्दै बजारका विभिन्न क्षेत्रहरुमा चल्ने लाइसेन्स नभएका अटो तथा ई–रिक्सा चालकका कारण दुर्घटनामा बृद्धि भइरहेपनि ट्राफिक प्रहरीले कुनै चासो नदिएको जनगुनासो बढ्दै गएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह