चितवन । नेपाली काँग्रेसका वरिष्ठ नेता रामचन्द्र पौडेलले कम्युनिष्टहरु विषले भरिएको घडा भएको बताएका छन् । नेपाली काँग्रेस भरतपुर महानगर समितिले आज आयोजना गरेको प्रतिनिधि सभा विघटनको असंवैधानिक र अलोकतान्त्रिक कदमका विरुद्ध आयोजित विरोध सभामा बोल्दै पौडेलले कम्युनिष्टहरु सिद्धान्त मिलेर नभई सत्ता मोहले मात्रै मिलेको बताए ।

सिद्धान्त मिलेर एकता गरेको भए कम्युनिष्टले यति छिट्टै विग्रह नगर्ने भन्दै उनले कम्युनिष्टहरु विषले भरिएको घडा भएको बताए । ‘कम्युनिष्ट भन्ने कुरा विषले भरिएको घडा रहेछ भन्ने छर्लङ्ग भएको छ । सिद्धान्त मिलेर मिलेका रहेनछन्’, उनले भने, ‘स्वार्थका लागि मिलेका रहेछन् । सत्ताको भोग गरौँ भनेरै यिनीहरु मिलेका रहेछन् ।’ सत्तामा कुरा नमिलेपछि फेरि फोडिएको उनले बताए ।

देशलाई ठूलो दुश्चक्रमा फसाउन खोजिएको उनले बताए । प्रधानमन्त्री ओलीले सर्वाेच्च अदालतलाई धम्कि दिएको पौडेलले बताएका छन् । विरोध सभामा बोल्दै पौडेलले भत्किएको प्रतिनिधि सभालाई पुर्नस्थापना गरियोस् भनेर काँग्रेसले विरोध प्रदर्शन गर्दा अदालतलाई कुनै दबाब नपर्ने बताए । ‘ओलीले अदालतमाथि गरेको हस्तक्षेपको हामिले काउन्टर गरेको हो’, उनले भने ।

‘पार्टीमा झगडा भयो भनेर जनताको प्रतिनिधि सभालाई सडकमा फालेर तानाशाह बन्न खोज्ने ?’, उनले भने, ‘राजनितिक निर्णय हो भनेर ओलीले मुद्धालाई खारेज गरिदिन अदालतलाई आदेश दिँदै छन् । प्रधानमन्त्रीले आदेश दिने हो ? दबाब दिने हो ?’ संविधानको अक्षर राम्रोसँग पढिदिन काँग्रेसले न्यायाधिसहरुलाई आग्रह गरेको उनले बताए । लोकतन्त्रमाथि चिरहरण हुँदा काँग्रेस चुप लागेर बस्न नसक्ने उनले बताए । ‘चुनाव आएको छ भनेर कतिलाई रमाइलो लागेको छ ।

अब हाम्रो पालो आइहाल्यो भनेर हतारिएर काँग्रेस दगुर्दैन’, उनले भने । काँग्रेस लोकतन्त्रको रक्षाको लागि जन्मिएको पार्टी भएको भन्दै उनले काँग्रेसले पहिला संविधान र लोकतन्त्र बचाउने बताए । संविधानलाई बचाएर मात्रै काँग्रेस चुनावमा जाने उनले ठोकुवा गरे । ‘यस्ता चुनाव पञ्चायतको पालामा कति आए गए’, उनले भने, ‘लोकतन्त्र बच्नुप¥यो । संविधान जोगाएर मात्रै चुनावको कुरा गर्नुस् ।’ अदालतसँग अपिल गर्न पाउनुपर्ने भन्दै उनले काँग्रेसले अपिल मात्रै गरेको तर ओलीले धम्कि र दबाब दिइरहेको बताए ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित