चितवन । जिल्ला ट्राफिक कार्यालय चितवनले आर्थिक बर्ष ०७७ ।०७८ को ६ महिनामा १ करोड ६१ लाख ८१ हजार २६ हजार रुपैंया राजश्व सङ्कलन गरेको छ । कार्यालयले दिएको जानकारी अनुसार पुस मसान्तसम्म गरिएको राजश्व सङ्कलनमा सबैभन्दा बढी पुसमा ४४ लाख ४४ हजार पाँच सय र सबैभन्दा कम भदौमा ६ लाख ८४ हजार पाँच सय रुपैयाँ राजस्व सङ्कलन गरेको छ । कार्यालयले भदौ बाहेक अन्य महिनामा भने राजश्व सङ्कलनमा वृद्धि गर्दै लगेको छ ।

जसअनुसार साउन महिनामा ९ लाख २६ हजार रुपैंया, असोज महिनामा २९ लाख ७७ हजार पाँच सय, कात्तिक महिनामा ३४ लाख ३० हजार पाँच सय रुपैयाँ सङ्कलन गरेको थियो । यस्तै कार्यालयले मङ्सिर महिनामा ३६ लाख ६३ हजार पाँच सय रुपैयाँ सङ्कलन गरेको थियो । कार्यालयका प्रमुख प्रहरी निरीक्षक दयाकृष्ण भट्टले कोरोनाको प्रभाव कम भएसँगै र बन्दाबन्दी हटेपछि सडकमा सवारी साधन गुड्ने सङ्ख्या बढेकोले राजश्व सङ्कलनमा क्रमशः वृद्धि हुँदै गएको बताउनुभयो । ‘सडकमा सवारीको सङ्ख्या पनि बढेको छ ।

कारबाही सङ्ख्या पनि बढेको छ । उहाँले भन्नुभयो , हामीले अहिले ट्राफिक कडाइ , चेकजांँच बढी गरेका छौँ ।’ जिल्ला भरी दैनिक ९ वटा चेकिङ प्वाइन्टमा तीन सिफ्ट गरेर सवारी साधन चेकजांँच भइरहेको उहाँले बताउनुभयो । भदौ महिनामा जिल्लामा तीन हप्ता निषेधाज्ञा भएकोले राजश्व सङ्कलन कम भएको छ भने पुस महिनामा सबैभन्दा बढी मानवीय क्षति भएको कारण यस महिनामा थप कडाइ गरिएकोले बढी राजश्व सङ्कलन भएको उहाँको भनाई छ ।

ट्राफिक प्रहरीले लाइसेन्स चेकिङ, तीव्र गति, ओभर लोड, ओभरटेकिङ्ग, रुट परमिट, नो पार्किङलगायतका ट्राफिक नियम उल्लङ्घन गर्ने सवारी साधनलाई कारबाही गरी जरिवाना असुल्दै आएको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता