काठमाडौं । विश्वव्यापी कोरोना महमारीले बन्द भएको काठमाडौं उपत्यकाका विद्यालय आजबाट खुल्ने भएका छन् । स्वास्थ्य मापदण्ड अपनाएर १० महिनापछि विद्यालय खोल्न स्थानीय तहले अनुमति दिएपछि विद्यालय सञ्चालनमा आउने भएका हुन् । काठमाडौं उपत्यकाका महानगरपालिका बाहेक अन्य नगरपालिकामा असार पछि नै भौतिक रुपमा विद्यालय सञ्चालनमा आएका थिए ।

काभ्रे, बनेपालगायत देशभरिका अन्य नगरपालिका र गाउँपालिकाले यसअवधिमा विद्यालय खोल्ने र संक्रमितको दर बढ्ने बित्तिकै बन्द गर्ने गरेका थिए । सरकारले अनलाइन वा वैकल्पिक माध्यमबाट पढाउन र उक्त माध्यमबाट पढाएको कुरालाई मान्यता दिन असारमा निर्देशिका जारी गरेको थियो । काठमाडौं महानगरपालिकाबाहेक अन्तका अधिकांश विद्यालयलाई कोरोना सेन्टर र आइसोलेसन र क्वारेन्टिन भवन बनाइएपछि विद्यालय शिक्षा झनै अलपत्र परेको थियो ।

काठमाडौं उपत्यकाको हकमा भने कोरोना संक्रमितको संख्या निरन्तर बढिरहेकाले वैकल्पिक माध्यममा पढाउन नसकिएको ठाउँमा कतै विद्यालय आलोपालो गरी खुलिरहेका थिए भने अधिकांश विद्यालय बन्द थिए । कक्षा ११ र १२, स्नातक र स्नातकोत्तरका लागि विद्यालय र क्याम्पस अघोषित रुपमा पुस १ गतेदेखि नै खुलिसकेका थिए । प्याब्सनका अध्यक्ष डी के ढुंगानाले विद्यालय खोल्न स्थानीय सरकारले अनुमति नदिएपछि माघको दोस्रो साताबाट विद्यालय खोल्ने तयारी गरेको बताए ।

तर, प्याब्सनमा आबद्ध केही विद्यालयमा भने प्लस टुको कक्षा सञ्चालन भइरहेको उनले स्वीकार गरे । विद्यार्थी अनौपचारिक पोसाकमा विद्यालयमा उपस्थित भएको उनको दाबी छ । तर, बाटोमा विद्यार्थी पोशाकमै भेटिन्छन् । यस्तै, एन प्याब्सनका अध्यक्ष रितुराज सापकोटा माघको पहिलो सातासम्ममा पनि सरकारले विद्यालय खोल्न अनुमति नदिए विद्यालय खोल्ने चुनौति दिएका थिए । प्लस टुका कक्षा सञ्चालनका सम्बन्धमा भने उनले स्थानीय सरकारको निर्देशन विरुद्ध खोलिएको भन्दै आलोचना गरे । आफू सम्बन्ध विद्यालय नखोलिएको उनको दाबी छ ।

तर, सीसीएमसीले विद्यालय खोल्न अनुमति दिइसकेपछि स्थानीय सरकारले अड्को थाप्नुमा कुनै औचित्य नभएको उनको तर्क छ ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने