चितवन । जेष्ठ नागरिक संघ चितवनले भवनमा सभाहल सहितको तला थप गरेको छ । भरतपुर–१० स्थित दुर्गा भगवती मन्दिर परिसरमा रहेको २०६१ सालमा बनेको भवनमा तला थपेको हो । माथिल्लो तला निर्माण गर्दा भरतपुर महानगरले १५ लाख ५६ हजार रुपैयाँ र संघले १ लाख ७३ हजार रुपैयाँ लगानी भएको संघका सचिव भोजराज न्यौपानेले जानकारी दिनुभयो ।

यसअघि निर्वतमान सांसद कृष्णभक्त पोखरेलले सांसद विकास कोषबाट उपलब्ध गराएको ९ लाख ६५ हजार रुपैयाँ खर्चेर ट्रष्ट बनाइएको थियो । एक सभाहल र २ कोठा थप भएका छन् । भरतपुर महानगरका मेयर रेनु दाहालले आज ९मंगलबार० भवनको उद्घाटन गर्नुभएको थियो । मेयर दाहालले जेष्ठ नागरिकका हरेक मागहरु पुरा गर्न प्रतिवद्ध रहेको बताउनुभयो ।

जेष्ठ नागरिकलाई सरकारले उपलब्ध गराउने हरेक सेवा सहजै उपभोग गर्ने वातावरण बनाइने बताउनुभयो । भरतपुर–१० का वडाध्यक्ष अरुणपीडित भण्डारीले मन्दिर परिसरलाई हरियाली पार्क बनाउन सहयोग गर्ने बताउनुभयो । मन्दिर परिसर करिब ५ कट्टठामा छ । वृद्ध कल्याण सेवा संघबीच २०७६ मा एकिकरण भएपछि बनेको संघले जेष्ठ नागरिकका पीर मर्का बुझ्ने र जमघट गराउने कामको अगुवाई गर्दै आएको छ । संघका अध्यक्ष केदारनाथ तिमिल्सिनाले जेष्ठ नागरिकलाई गोलबद्ध गर्दै हकअधिकारको वकालत गर्दै आएको बताउनुभयो ।

संघले डे केयर सेन्टर, भजन किर्तन, भेला छलफल, स्वास्थ्य शिविर लगायतका गतिविधि गर्दै आएको छ । स्कुल–स्कुलमा पुगेर पुस्ता हस्तान्तरण कार्यक्रम गर्दै जेष्ठ नागरिकको सम्मान तथा ज्ञानसीप आदानप्रदान गर्दै आएको बताउनुभयो । भरतपुर अस्पतालमा जेष्ठ नागरिक वार्डमा २० मात्रै शैया भएकाले शैया विस्तार गर्नुपर्ने, अस्पतालमा उपचार लिन जादा घण्टौ उभिएर पालो कुर्नुपर्ने अवस्था हटाउन माग गरेका थिए ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह