काठमाडौं । नेपाली भूमीमा छिरेर अवैध रुपमा बालुवा उत्खनन गरिरहेका भारतीय बालुवा तस्कर र सशस्त्र प्रहरीबीच झडप भएको छ।
पर्साको जगरनाथपुर गाउँपालिका– १ पिपडाढीमा ओरिया खोलामा बालुवा उत्खनन गरिरहेका बालुवा तस्कर र सशस्त्र प्रहरीबीच शुक्रबार बिहान झडप भएको हो । झडपमा तीन सशस्त्र प्रहरी घाइते भएका छन्। घाइते भएका २४ वर्षीय आयुष राय यादव र अन्दाजी २५ वर्षीय नरेश यादवको नारायणी अस्पतालमा उपचार भइरहेको छ भने सुमन वस्तिको सेढवास्थित स्वास्थ्य चौकीमा उपचार गरिएको छ ।
झडपमा आयुषको कन्चट फुटेको छ भने नरेशको देब्रे हात भाँच्चिएको छ । सशस्त्र प्रहरी आउट पोष्ट पिडारीगुठी र महादेवपट्टीको संयुक्त टोलीले अवैध रुपमा भइरहेको बालुवा उत्खननलाई रोक्न खोज्दा भारतीय बालुवा तस्करसहित गदियानी भंगाहाका स्थानीयहरुले लाठी, भाठा, बेल्चा तथा ढुंगामुढा प्रहार गरेर सशस्त्र प्रहरीलाई आक्रमण गरेका थिए ।
सशस्त्र प्रहरीले नियन्त्रणमा लिइएको ट्याक्टर समेत भारतीयले लिएर गएको बताइएको छ। ओरिया खोलाको नेपाली भूमि भए पनि भारतीय पक्षले आफ्नो भूमि भन्दै दाबी गर्दै आएको छ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.