चितवन । विश्व हिन्दु महासंघका दुई समितिले कार्यगत एकता गरेका छन् । भरतपुरमा एक कार्यक्रमकाबिच हिन्दु महासंघ अभियानका सानो भर्याङ्ग समिति र बासबारी समितिले कार्यगत एकता गरेका हुन् ।हिन्दु धर्मको रक्षार्थ आगामी दिनमा मिलेर सहकार्य गर्ने भन्दै दुई समिति मिलेका हुन्। कार्यक्रममा विश्व हिन्दु महासंघ केन्द्रिय उपाध्यक्ष हरिविलास खनालले सत्तामा भएका दानबहरुले धर्म हत्या गरेका बताउनुभयो ।

उहाँले भन्नुभयो ूसत्तामा बसेका दानबहरुले न हिन्दुधर्म बचाउन सके, न नारिको अस्तित्व नैू उहाँले हिन्दु धर्मलाई रक्षा गर्न गरिएको कार्यगत एकता फलदायी हुने बताउनुभयो । उहाँले हिन्दु धर्मलाई जताततै बाट प्रहार भैरहेकाले धर्मलाई रक्षा गर्न हिन्दु समुदाय थप सचेत हुनुपर्ने बताउनुभयो ।उहाँले दुईवटा सस्थाको एउटै उद्धश्य एउटै भएकाले सँगै कार्य गर्नुपर्ने बताउनुभयो । उहाँले हिन्दु राष्ट्रको लागि आफुले ज्यान दिन तयार रहेको बताउनुभयो ।

उहाँले आफुले आफ्नो धर्मको रक्षा गर्न चाहेको र धर्मको लागि पदको त्याग समेत गर्न सकिने बताउनुभयो । नेपालले छिट्टै देशलाई हिन्दु धर्मको देशको रुपमा घोषणा गर्नु पर्ने उहाँको भनाइ छ । कार्यक्रममा विश्व हिन्दु महासंघको केन्द्रीय सदस्य अनिता खरेलले हिन्दु धर्ममा राज्निति गर्न नहुने बताउनुभयो । देशमा हिन्दु धर्म लाउन आफुले ज्यान दिन तयार रहेको बताउनुभयो । उहाँले भनुभयो , ‘नेपाललाई हिन्दुराज्य बनाउन हामी जस्तोसुकै कदम चाल्न पनि तयार छौँ ।

’संसारको सबैभन्दा पुरानो हिन्दु धर्मलाई विभिन्न वहानामा समाप्त गर्ने सडयन्त्त भएको बताउदै उहाँले हिन्दु धर्म नरहे राष्ट्रको मौलीकता नै नष्टहुने बताउनुभयो । विश्व हिन्दु महासंघका केन्द्रीय सदस्य टंकनाथ पौडेलले हिन्दु धर्मको रक्षा गर्न सबैले आ आफ्नो पक्षबाट योगदान दिनु पर्ने बताउनु भयो । अब देश भरी रहेका विश्व हिन्दु महासघंका समितीले आपसमा कार्यगत सहकार्य गरे मात्र धर्म रक्षार्थ टेवा पुग्ने उहाँको भनाई छ । त्यस्तै कार्यक्रममा दुई समिति बीच कार्यगत एकता घोषण गर्दै उहाँहरुले ९ बुँदे समझदारी पत्र बनाएर दुबै तर्फबाट पाँच पाँच जनाले हस्तान्तरण समेत गर्नुभएको छ ।

एकता घोषणा कार्यक्रममा सानो भर्‍याङ्गका तर्फबाट चितवनका अध्यक्ष प्रेमप्रसाद गैरे, सचिव फुलनाथ न्यूरे, केन्द्रीय सदस्य टंकनाथ पौडेल, केन्द्रीय सदस्य अनिता खरेलको हस्ताक्षर रहेको छ भने बाँसबारी तर्फबाट चितवनका अध्यक्ष बालकुमारी अर्याल, गुरु बालकृष्ण अर्याल लगायतले हस्ताक्षर रहेको छ । कार्यक्रमको सहजीकरण सचिव फुलनाथ निउरेले गर्नुभएको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह