चितवन । स्वास्थ्य तथा जनसंख्या मन्त्रालयले चितवनस्थित भरतपुर अस्पतालको मेडिकल सुपरिटेण्डेन्ट मेसुको जिम्मेवारी डा.वासुदेव पाण्डेलाई दिने निर्णय गरेको छ। आइतबार स्वास्थ्य तथा जनसंख्या मन्त्री हृदयेश त्रिपाठीले मन्त्रिस्तरीय बैठक गर्दै भरतपुर अस्पतालको मेसुमा डा पाण्डेलाई पठाउने निर्णय गर्नुभएको हो ।

डा. पाण्डेले मन्त्रालयबाट नयाँ जिम्मेवारीको पत्र पाएको जानकारी दिँदै एक,दुई दिनमा भरतपुर जाने बताउनुभयो । यसअघि उहाँ इपिडिमियोलोजी तथा रोग नियन्त्रण महाशाखाको निर्देशक हुनुहुन्थ्यो । दुइ साताअघि स्वास्थ्य तथा जनसंख्या मन्त्री ह्रदयेश त्रिपाठीले जिम्मेवारी हेरफेर गर्दै डा पाण्डेलाई मन्त्रालय तान्नुभएको थियो ।

डा पाण्डे आगामी वैशाखमा सरकारी सेवाबाट अवकास हुनुहुँदैछ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

बिचौलियाको मारमा किसान