चितवन । फागुन नेपाली कांग्रेसको भातृसंगठन नेपाल तरुण दल आन्दोलित हुने भएको छ । नेपाल तरुण दल चितवनका तत्कालिन अध्यक्ष शिव पौडेलको हत्यामा दोषि ठहर भई जेल सजाय भोगिरहेका ३ जनालाई बाँकी सजाय मिनाह भएपछि तरुण दलले विरोध जनाएको छ । नोपल तरुण दलका अध्यक्ष जितजङ्ग बस्नेतले विज्ञप्ति जारी गरेर जेलभित्रै हत्या गर्नेलाईनै आम माफी दिएकोभन्दै आपत्ति जनाउनुभएको छ ।

‘प्रजातन्त्र दिवसको अवसरमा प्रजातन्त्रकै खिल्ली उडाउँदै नेकपाको ओली गुटको सरकारको सिफारिसमा राष्ट्रपति विद्यादेवी भण्डारीले बाँकी कैद मिनाह गरी उनीहरुलाई आममाफी दिइएको प्रति नेपाल तरुण दल गम्भीर आपत्ति जनाउँदै उक्त कार्यको घोर निन्दा एवम् भर्त्सना गर्दछ’ विज्ञप्तिमा लेखिएको छ ।

विज्ञप्तिमा जेल भित्रै हत्या जस्तो अक्षम्य र गम्भीर अपराध गर्ने अपराधीहरुलाई सरकार र राष्ट्रपति जस्तो संस्थाले आम माफी दिनु देशमा हत्या, हिंसा जस्ता दानवीय प्रवृतिको ढाकछोप गर्ने र अवान्छित कृयाकलापलाई प्रोत्साहित गर्ने कार्य दिन प्रति दिन बढ्दै गइरहेको प्रष्ट भएको उल्लेख छ । प्रजातन्त्र दिवसको अवसर पारेर राष्ट्रपति विद्यादेवी भण्डारीले ५ सय बढी कैदीवन्दीलाई सजाय माफि दिनुभएको थियो ।

मन्त्रिपरिषद्को सिफारिसमा ४ सय १ कैदीको बाँकी कैद र १ सय ७९ जनाको भुक्तान हुन बाँकी कैदमा छुट दिइएको थियो । २०६८ सालको पुसमा जिल्ला कारागार चितवनभित्र तरुण दल चितवनका तत्कालीन अध्यक्ष शिव पौडेलको हत्यामा संलग्न फणिन्द्र श्रेष्ठ, दिलबहादुर मोक्तान र सुनिल केसीले सजाय छुट पाएपछि तरुण दलले विरोध जनाएको हो । अपराधीलाई संरक्षण गर्ने जनविरोधी सरकारको सो निर्णयको विरुद्ध चरणबद्ध रुपमा विरोधका कार्यक्रमहरु गर्न निर्देशन दिइएको छ ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह