तनहुँ  । अवैध उत्खनन् गर्ने सात टिप्पर र एउटा एक्साभेटर तनहुँ प्रहरीले नियन्त्रणमा लिएको छ । म्याग्दे गाउँपालिका वडा नं. ५ स्थित सेती नदीको किनारबाट अबैध रुपमा बालुवा उत्खनन् र लोड गर्दै गरेको ग १ क २८७९ नं.को एक्साभेटर सहित ग १ ख ८७७७ नं. को टिप्परलाई ईलाका प्रहरी कार्यालय भिमादबाट खटिएको प्रहरी टोलीले फेला पारी नियन्त्रणमा लिएको हो । नियन्त्रणमा ल्याइएको टिप्पर र एक्साभेटरलाइ म्याग्दे गाउँपालिकाले ४० हजार जरिवाना गराएको प्रहरी नायब उरीक्षक युवराज तिमिल्सेनाले जानकारी दिए ।

यसैगरी, तनहुँकै बन्दीपुर ६ सराङघाटमा रहेको अवैध सञ्चालनको अभियोगमा बन्द गरिएको नमुना ग्रिड एण्ड क्रसर उद्योग प्रा.लिबाट अवैध रूपमा ढुङ्गा गिट्टी बालुवा बोकी व्यास १४ एक्लेभट्टी स्थित साराङघाट तर्फबाट दमौली तर्फ ल्याउदै गरेको अवस्थामा ग १ ख ४७२७, ग १ क ३४२३, ग १ ख ९२५३ र ग १ ख ७९९७ नं. को टिप्परलाई नियन्त्रणमा लिएको प्रहरीले जनाएको छ ।
यस्तै, भानु नगरपालिका वडा नं. ९ दमालघाट स्थितबाट अबैध रुपमा बालुवा उत्खनन् गरी लिई हिडेको भन्दै ग १ क ५२२० नं.को टिप्परलाई प्रहरी चौकी पुर्कोटबाट खटिएको प्रहरी टोलीले फेला पारी नियन्त्रणमा लिई भानु नगरपालिकाको कार्यालय बुझाएकामा २० हजार जरिवाना तिराइएको छ ।
यसैगरी, म्याग्दे गाउँपालिका स्थित सेती दोभान घाटबाट अबैध रुपमा गिट्टी बालुवा उत्खनन् गरी ओसार पसार गर्दै गरेको अवस्थामा ग १ क ४२९० को टिप्परलाई प्रहरी चौकी थर्पुबाट खटिएको प्रहरी टोलीले फेला पारी नियन्त्रणमा लिइएको थियो । सोही सवारिलाइ समेत म्याग्दे गाउँपालिकाको कार्यालयले २३ हजार रुपैयाँ जरिवाना तिराएको डिएसपी तिमिल्सेनाले जानकारी दिए ।

अर्को साता वर्षाको सम्भावना, अहिल्यै त्रसित नहुन मौसमविद्को आग्रह

तिब्बतमा ७ म्याग्निच्युडको भूकम्प, १६ जनाको मृत्यु

आगामी तीन दिन देशका अधिकांश स्थानमा मौसम सफा रहने