हेटौंडा । बागमती प्रदेश सामाजिक विकास मन्त्रालयले प्रदेशका ५ जिल्ला अस्पताललाई आइतबार हेटौंडामा एम्बुलेन्स हस्तान्तरण गरेको छ । मन्त्रालय अन्तरगतको स्वास्थ्य आपूर्ति व्यवस्थापन केन्द्रले प्रदेशका ५ अस्पताललाई एम्बुलेन्स हस्तान्तरण गरेको हो ।
आपूर्ति व्यवस्थापन केन्द्रले खरिद गरेका एम्बुलेन्स मूख्यमन्त्री डोरमणि पौडेलले मकवानपुर, नुवाकोट, सिन्धुपाल्चोक, धादिङ र सिन्धुली जिल्ला अस्पतालका अध्यक्ष र प्रमुखलाई हस्तान्तरण गरेका छन् । कार्यक्रममा बोल्दै मूख्यमन्त्री पौडेलले प्रदेश सरकारले संचालन गरेका अस्पताल तुलनात्मक रुपमा संघीय सरकारले संचालन गरेको अस्पताल भन्दा स्तरीय ढंगले चलिरहेको दावी गरे ।
अस्पतालहरुको सेवा गुणस्तरीय भए विरामी रिफर गर्ने अवस्थाको अन्त्य हुने उनको भनाई थियो । यसतर्फ अग्रसर भएर काम गर्न पनि उनले निर्देशन दिए । जिल्ला अस्पतालहरुको भवन निर्माणको क्रम जारी रहेको बताउँदै उनले जनशक्ति र उपकरणको पर्याप्त उपलव्धताका लागि प्रदेश सरकारले काम गरिरहेको बताए ।
कार्यक्रममा प्रदेशका प्रमुख सचिव मानबहादुर विके, मन्त्रालयका सचिव दिपक काफ्ले, आपूर्ति व्यवस्थापन केन्द्रका निमित्त निर्देशक बसन्त अधिकारी, हेटौंडा अस्पतालका अध्यक्ष प्रकाश पौडेल लगायतको उपस्थिति रहेको थियो । आपूर्ति व्यवस्थापन केन्द्रले पहिलो पटक सुविधा सम्पन्न ‘ख’ बर्गको एम्बुलेन्स जिल्ला अस्पताललाई प्रदान गरेको जनाइएको छ । अहिले उपलव्ध गराइएका ५ वटा एम्बुलेन्सको लागत एक करोड ४६ लाख रुपैंया रहेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.