चितवन। बालबालिकाहरुका लागि प्रहरी नागरिक अभियान नेपाल (पिटुसिटु)मा जिल्ला प्रहरी कार्यालय चितवनका प्रहरी प्रमुख ओम प्रसाद अधिकारीले अवलोकन भ्रमण गर्नुभएको छ । जिल्ला प्रहरी कार्यालयमा आउने प्रत्येक एसपी स्वत पिटुसिटुको बरिष्ठ उपाध्य रहने व्यवस्था रहेको छ । त्यसै बमोजिम प्रहरी प्रमुख अधिकारीले  (शुत्रबार) बालबालिका र समितिलाई अवलोकन तथा भेट्घाट गर्नुभएको हो ।

अवलोकनको क्रममा उहाँले सडकमा स्वतन्त्र जिवन यापन गर्दै आएका सडक बालबालिकालाई टिकाई राख्न तर्फ ध्यान दिन आग्रह गर्नुभयो । उहाँले भन्नुभयो, “सडकमा बालबालिका स्वतन्त्र रुपमा बस्छन् । राम्रो नराम्रोको ज्ञान हुदैनै । संरक्षण केन्द्रमा ल्याइसकेपछि उनीहरुले स्वतन्त्रता नपाएको अनुभुति गर्छन । र, भाग्ने प्रयास गर्छन । त्यसकारण समितिले उनीहरुलाई कसरी टिकाउने र सव्य व्यक्ति बनाउने तिर सोची अगाडि बढ्नु पर्छ ।” आफु बोल्ने भन्दा काम गर्ने व्यक्ति भएको भन्दै अधिकारीले संरक्षणमा आएका बालकहरुको स्वतन्त्रतासंगै राम्रो भविष्यको लागि आफु कटिबद भएर लाग्ने बताउनुभयो ।

उहाँले यस कार्यलाई रचनात्मक तरिकाबाट अगाडी बढाउन उत्साहवर्धन गर्दै आगामी दिनमा सहयोग गर्ने प्रतिबद्दता समेत ब्यक्त गर्नुभयो । त्यस्तै कार्यक्रममा पिटुसिटुका संस्थापक अध्यक्ष बिष्णु प्रसाद खनालले आफू पहिले देखि नै बालबालिकाको हक हितमा कार्य गर्दै आएको बताउनुभयो । उहाँले बच्चाहरुलाई संरक्षण गर्न पार्यमा आफू कहिले पछि नहट्ने बताउनुभयो । उहाँले पिटुसिटुको बारेमा जानकारी दिदै आफुहरुलाई एक प्रहरी कर्मचारी आवश्यक रहेको बताउनुभयो । उहाँले सुरु सुरुमा पिटुसिटु संचालन गर्दा निकै कठिनाइ भएको समेत बताउनुभयो । उहाँले २०७२ साल फागुन ३ गते बैधानिक रुपले संचालनमा आएको पिटुसिटुमा हाल २३ जना बालकहरु रहेका बताउनुभयो ।

उहाँले २० जना बालकहरुले नजिकै रहेको विद्यालयमा पढ्दै आएको जानकारी दिनुभयो भने २ जना विद्यालय जाने तयारीमा रहेका जानकारी दिनुभयो । उहाँले उपचारको लागि एक जना अस्पतालमा रहेको बताउनुभयो । त्यस्तै कार्यक्रममा समाज सेवी ज्ञानु जङ्ग लामाले पिटुसिटु व्यवस्थापन समिति मजबुत भएमात्र संरक्षित बालकहरुको राम्रो हेरचाहा हुने बताउनुभयो ।उहाँले विभिन्न कारणबस सडकामा आएका बालबालिकालाई राम्रो शिक्षादिक्षाको आवश्यक पर्ने बताउनुभयो ।

उहाँले बालकहरुको मनोबिज्ञानलाई बुझेर कार्य समितिले बालकहरुको गजल भविष्यको लागि कार्य गर्नुपर्ने बताउनुभयो । उहाँले प्रहरी र नागरिकको साजेदारीको कार्यक्रम हुदा प्रहरीको भुमिका निकै महत्त्वपूर्ण रहेको बताउनुभयो । पिटुसिटुका अध्यक्ष बेल बहादुर गुरुङको अध्यक्षतामा भएको कार्यक्रममा कोषाध्यक्ष निर्देश सेडाईले आर्थिक प्रतिवेदन पेश गर्नुभएको थियो भने जिल्ला प्रहरी कार्यालय चितवन महिला बालबालि तथा जेष्ठ नागरिक सेवा केन्द्रका प्रमुख इनिष्पेक्टर प्रविना गिरी, मन्जु श्री असाहय संरक्षण केन्द्रका प्रमुख मन्जु खाड , शान्ति अधिकारी लगायतको उपस्थिति रहेको थियो ।

दसैँ बिदापछि सिएमसीमा नियमित ओपीडी सेवा सुरु

दसैँमा सौराहामा आन्तरिक पर्यटकको चहलपहल कम

अर्को साता वर्षाको सम्भावना, अहिल्यै त्रसित नहुन मौसमविद्को आग्रह