चितवन ।  छिमेकी देश भारतमा फेरी कोरोना संक्रमण बढेपछि नेपालमा पनि सतर्कता अपनाउने तयारी गरिएको छ । जोखिम बढेपछि रोजगारीका लागि भारत गएका नेपालीहरु पनि घर फर्किन शुरु गरेका छन ।

भारतबाट फर्केका कतिपय नेपालीमा समेत कोभिड संक्रमण भेटिएपछि नेपालमा पनि सतर्कता अपनाउन आग्रह गरिएको हो । स्वास्थ्य मन्त्रालयपनि भीडभाड, मेला महोत्सव , सेमिनार नगर्न अनुरोध गरेको छ । यसैबीच चितवन प्रशासनले चितवन देशकै केन्द्र र सीमा नजिक रहेको भन्दै सतर्कता अपनाउन अनुरोध गरेको छ ।

सहायक प्रमुख जिल्ला अधिकारी रामबहादुर शाहीले आज (सोमबार) एक विज्ञप्ति जारी गर्दै उच्च सतर्कता अपनाउन आग्रह गरेका हुन् । समितिले छिमेकी मुलुकमा संक्रमण बढ्दा जिल्लामा पनि संभावित जोखिमलाई मध्यनजर गर्दै भिडभाड हुने कार्यक्रम नगर्न आग्रह गरेको छ । कोरोनाको जोखिमलाई मध्यनजर गर्दै सभा, जुलुस, ¥याली, भेला, जमघट, गोष्ठी जस्ता कार्यक्रम नगर्न समितिले आग्रह गरेको हो ।

यस्तै प्रशासनले भौतिक दुरी कायम गर्न तथा मास्क र सेनिटाइजर अनिवार्य प्रयोग गर्न पनि आग्रह गरेको छ । साथै कोरोनाको जोखिमलाई मध्यनजर गर्दै जिल्ला प्रशासन कार्यालय चितवनले यस वर्षको फागु पुर्णिमा घरमै बसी परिवारसँग मनाउन समेत आग्रह गरेको छ । जोखिम बढेसंँगै लकडाउनको सम्भावना उत्तिकै हुने सरोकारवालाले बताउंँदै आएका छन ।

 

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता