चितवन । चितवनको विकट पहाडी क्षेत्र राप्ती नगरपालिका १३ स्थित कान्दामा एकीकृत स्वास्थ्य शिविर (मानिस, पशुपन्क्षी र वातावरण) कार्यक्रम गरिएको छ । मितेरी फाउण्डेसन नेपाल र भरतपुर अस्पतालको संयुक्त आयोजनामा शनिवार कान्देश्वरी आधारभूत विद्यालयमा एक स्वास्थ्य शिविरको आयोजना गरिएको हो । स्वास्थ्य शिविरमा स्त्री रोग, नसा तथा हार्ड जोर्नी रोग र मेडिकल उपचार गरिएको थियो ।
सो क्रममा २ सय ९ जनाको स्वास्थ्य जाँच गरिएको मितेरी फाउन्डेसनकी उपाध्यक्ष अनिता खनालले जानकारी दिनुभयो । स्वास्थ्य शिविरका क्रममा तीन जना व्यक्तिमा टिभिको लक्ष्ण देखिएको उहाँले बताउनुभयो । यस्तै, दुई जनालाई नसा सम्बन्धी समस्या देखिएर शल्यक्रियाका लागि भरतपुर अस्पतालमा रिफर गरिएको छ ।
किसानका बाख्रालाई नाम्ले जुकाको औषधी खुवाउनुका साथै उन्नत जातको बिऊ बिजन पनि विरतण गरिएको थियो । सो कार्यक्रममा बोल्दै मितेरी फाउन्डेसनका अध्यक्ष रबिन्द्र सिंह बानियाले आगामी दिनमा नि सो कार्यक्रमलाई निरन्तरता दिने बताउनु भयो । यस्तै विद्यालयका प्रधानाध्यापक बालकृष्ण थपलियाले यस्ता खालका कार्यक्रमले गाउँलाई सारै सजिलो भएको बताउनुभयो ।
मितेरी फाउन्डेसनका सल्लाहकार डा.कृष्णप्रसाद पौडेलको संयोजकत्वमा सम्पन्न सो शिविरमा फिजिसिय डा.सुजन अधिकारी, स्त्रीरोग विशेषज्ञ डा.स्वेता मण्डल र डा.प्रदिता श्रेष्ठ, भेटेरिनरी डा. कृष्ण काफ्ले गोविन्दराज बराल, शंकर सुवेदी, रविन्द्र सिं बानिया, अनिता खनाल, दिवस गुरुङ, रजनि तामाङ, लगायतको उपस्थिति रहेको थियो । भरतपुर अस्पतालले आफ्नो ५८ औँ बार्षिक उत्सवको अवसरमा मितेरी फाउण्डेसनसंग सहकार्य गरि सो शिविर सम्पन्न गरिएको हो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.