काठमाडौँ । नेपाली कांग्रेसको केन्द्रीय कार्यकमिटी बैठक आज बस्दैछ । बैठक पार्टी केन्द्रीय कार्यालय सानेपामा दिउँसो २ बजे बस्नेछ । यसअघि शुक्रबारका लाागि बोलाइएको बैठक आजका लागि सारिएको थियो । आजको बैठकमा पूर्वनिर्धारित १४औं महाधिवेशनको कार्यतालिका हेरफेरबारे छलफल र पार्टीको क्रियाशील सदस्यताको विवरण केन्द्रमा बुझाउने समयावधि थप्न प्रस्ताव पेस गर्ने तयारी रहेको एक नेताले जानकारी दिए ।
यसअघि जिल्लाले नयाँ क्रियाशील सदस्यता र नवीकरणको सूची चैत ३० गतेसम्म केन्द्रमा पठाउने अवधि तोकिएपनि उक्त समयमा सम्भव नभएपछि अवधि थप्न लागिएको हो । हालसम्म ५० जिल्लाले मात्रै क्रियाशील सदस्यको नवीकरण भएको र नयाँ वितरण गरिएको विवरण केन्द्रीय कार्यालयले बनाएको अनलाइन प्रणालीमा पठाउन सुरु गरेका छन् ।
सोलुखुम्बु, सप्तरी, सिराहा, बारा, रौतहट, सिन्धुपाल्चोक, बर्दिया, डोटी र कैलालीले भने विवरण पठाउन सुरु नै गरेका छैनन् । यससँगै प्रभावित बनेको महाधिवेशनको आन्तरिक कार्यतालिकालाई कांग्रेसले हेरफेर गर्ने भएको हो । कांग्रेसले यसअघि नै आगामी भदौ ७ गतेदेखि १० गतेसम्म आफ्नो १४औं महाधिवेशनका लागि कार्यतालिका तय गरेको थियो ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.