चितवन । नारायणी बचत तथा ऋण सहकारी संस्था लिमिटेडको २४ औ वार्षिकोत्सब कार्यक्रम सोमबार सम्पन्न भएको छ । संस्थाले सामाजिक उत्तरदायित्व अन्तर्गत विभिन्न कार्यक्रम गरी स्थापना दिवस मनाएको संस्थाका अध्यक्ष केशब बहादुर पौडेलले जानाकारी दिनुभयो । संस्थाका सञ्चालक समिति, उपसमिति र शेयरसदस्यहरुको सक्रिय सहभागिताका कारण संस्थाले सामाजिक गतिविधि गर्न सकेको अध्यक्ष केशब बहादुर पौडेलले बताउनुभयो । संस्थाले आफ्नो गतिविधिलाई बढाउन र उत्पादनशील क्षेत्रमा लगानी विस्तार गर्न सेवा बिस्तार गर्ने योजनामा रहेको अध्यक्ष पौडेलले जानाकारी गराउनुभयो ।

कार्यक्रमममा प्रमुख अतिथि समेत रहनुभएका जिल्ला सहकारी संघ चितवनका अध्यक्ष हरिप्रसाद पौडेलले सहकारीलाई कसरी उत्पादनसँग जोड्न सकिन्छ भन्ने विषयमा राष्ट्रिय बहस नै चलाउन आवश्यक रहेको भन्दै उहाँले प्रतिशत किटान गर्नुभन्दा पनि सबै सहकारीहरुलाई क्षमताका आधारमा उत्पादनमा जोड्नुपर्ने औंल्याउनुभयो । उहाँले भर्खरै मात्र स्थापना भएका सहकारी संस्थाहरुलाई एकिकरण गरेर सेवा बिस्तार गर्नुपर्ने आबश्यकता रहेको बताउनुभयो । उहाँले सहकारी सञ्चालनका लागि आन्तरिक र ब्याह्य स्रोत ब्यबस्थापन गर्ने क्षमता राख्नुपर्नेमा जोड दिनुभयो ।

४ दिन सम्म सञ्चालन भएको कार्यक्रममा २७ गते मोटरसाईकल ¥याली , २८ गते बृहत सरसफाइ कार्यक्रम , २९ गते रक्तदान कार्यक्रम र ३० गते आज मुल समारोह संगै नबनीर्मित भबन उद्घाटन गरिएको छ । करिब १५ लाखको लागतमा आफ्नै जग्गामा नयाँ भबन निर्माण गरिएको कार्यक्रमका संयोजक हरिकृष्ण अधिकारीले जानकारी दिनुभयो । कार्यक्रममा १३ जना जेष्ठ नागरीकहरु तथा २६ जना संस्थाका संस्थापक सेयर सदस्यहरुलाई सम्मान गरिएको थियो । करिब ११ सय भन्दा बढि सेयर सदस्य रहेको सहकारीले बिशेष छुटको ब्यबस्था सहित नयाँ सदस्य थप गरेको छ । २०५४ सालमा स्थापना भएको सहकारीको करिब ११ करोडको कुल पुजी रहेको छ ।

चितवनमा सडक सुरक्षा सुधार अभियान तीव्र, ७२ घण्टाभित्र काम सक्न निर्देशन

दुर्लभ एक सिङ्गे गैँडा संरक्षणमा योगदान गर्दै ‘चितवन राइनोज’

चितवनमा तीन महिनामा तीन हजारभन्दा बढीले लिए वंशजका आधारमा नागरिकता