काठमाडौं : सञ्चार माध्यममा पुन: कोरोना भाइरस पोजेटिभ देखिएको समाचार आएपछि काठमाडौंको सनसिटी अपार्टमेन्टमा कोरोना मुक्त भएर फर्केका दुई र थप एकसहित तीन जना पाटन अस्पताल पुगेका छन्। कोरोना मुक्त भइ बैशाख ११ गते डिस्चार्ज भएका दुई जनामा पुनस् कोरोना भाइरस पोजेटिभ देखिएको समाचार केही अनलाइनमा प्रकाशित भएका थिए। ती समाचारमा उनीहरु अस्पतालमा भर्ना भएको भनिए पनि उनीहरु आज विहान मात्र अस्पताल पुगेका हुन्। उनीहरुलाई पाटन अस्पतालको आइसोलेसन वार्डमा भर्ना गरिएको छ। संक्रमणमुक्त भइसकेका सनसिटी अपार्टमेन्टमा बस्दै आएका आमा र छोरामा कोरोना संक्रमण कायमै रहेको भन्ने हल्ला आएपछि हल्ला चिर्नका लागि उनीहरु बिहान पुनस् अस्पताल पुगेका हुन्। उनीहरुसँगै बुहारी पनि अस्पताल पुगेकी छन्। उनीहरुको थ्रोट स्वाब संकलन गरेर आजै परीक्षणका लागि पठाउने तयारी भएको छ। उनीहरुमा संक्रमण रहे नरहेको आज साँझसम्म रिपोर्ट आउने बताइएको छ।बेलायतबाट चैत ४ गते फर्किएका उनीहरुमा वैशाख १ गते कोरोना संक्रमण पुष्टि भएको थियो। त्यसपछि उनीहरुलाई पाटन अस्पताल लगिएको थियो। त्यसपछि सनसिटी अपार्टमेन्टमा उनीहरु बस्ने ब्लकमा रहँदै आएका करिब ३ सय जनाको कोभिड १९ परीक्षण गरिएको थियो। उनीहरुमा संक्रमण देखिएको थिएन। कोरोना संक्रमण नदेखिएपछि बुहारी वैशाख ३ गते अस्पतालबाट डिस्चार्ज भएकी थिइन् भने वैशाख ११ गते आमा र छोरा दुवैमा परीक्षण नेगेटिभ आएपछि घर पठाइएको थियो। अनलाइनमा समाचार आएपछि सामाजिक सञ्जालमा चर्चा सुरु भएको थियो। हालसम्म उनीहरुमा कोरोना पुन पुष्टि भइनसकेको अस्पतालले जनाएको छ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित