चितवन । चितवनमा विगत २४ घण्टामा थप ४६ जना कोरोना संक्रमित थपिएका छन् । जनस्वास्थ्य कार्यालय चितवनले आज सार्वजनिक गरेको तथ्यांक अनुसार थपिएका ४६ संक्रमित मध्ये भरतपुर महानगरपालिकामा ३८, खैरहनी नगरपालिकामा १, रत्ननगर नगरपालिकामा ४ र कालिका नगरपालिकामा १ जना रहेका छन् ।
योसँगै कोरोना संक्रमितको संख्या चितवनमा सात हजार २७३ जना पुगेको छ । ११५ जनाको निधन भइसकेको छ भने अस्पतालको आइसोलेसनमा २६ जना, घरमा आइसोलेसनमा २९७ जना रहेका छन् । भरतपुरको अस्पतालहरुमा जम्मा आईसीयूमा १० जना भेन्टिलेटरमा तीन जना कोरोना संक्रमित बिरामीहरुको उपचार भइरहेको विभिन्न अस्पतालले जनाएका छन् ।
भरतपुर अस्पतालका कोरोना क्लिनिकल कोर्डिनेटर डाक्टर प्रमोद पौडेलले भरतपुर अस्पतालको आईसीयूमा १० जना, भेन्टिलेटरमा २ जना र एचडीयूमा ६ जनाको उपचार भइरहेको जानकारी दिए । । त्यस्तै चितवन मेडिकल कलेजका सञ्चार संयोजक डाक्टर किशोर अधिकारीले अस्पतालको भेन्टिलेटरमा १ जना बिरामी रहेको जानकारी दिए ।
यस्तै पुरानो मेडिकल कलेजले दिएको जानकारी अनुसार त्यस अस्पतालमा वार्डमा २ जना कोरोना संक्रमित बिरामीको उपचार भइरहेको छ । अस्पतालको आईसीयू र भेन्टिलेटरमा कुनै बिरामी रहेका छैनन् । यसरी हेर्दा चितवनमा कोरोना संक्रमितको संख्या दिनप्रतिदिन बढ्दै गएको देखिन्छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.